Espoir Fc yatangaje impamvu yikuye mu irushanwa ry’igikombe cy’amahoro

Ubuyobozi bw’ikipe ya Espoir Fc, bwatangaje ko impamvu nyamukuru yatumye bikura mu irushanwa ry’igikombe cy’Amahoro, ngo ni ubushobozi buke bw’amafaranga, ndetse ko bari babangamiwe nuko iyi mikino yahuye n’igikombe cya shampiyona.

Ku gicamunsi cyo kuri uyu wa mbere tariki 10 Gashyantare, nibwo ikipe ya Espoir Fc yatanze ibaruwa muri Ferwafa, yikura mu irushanwa ry’igikombe cy’Amahoro.

Bimenyimana Alphonse umuyobozi wungirije w’ikipr ya Espoir yabwiye Genesisbizz impamvu bikuye mu gikombe cy’Amahoro ko yari ishingiye ku bushobozi buke bari bafite.

“Nibyo koko twikuye mu marushanwa y’igikombe cy’amahoro kubera ko nta bushobozi bugendanye n’amafaranga dufite ngo twitabire cyangwa se ngo tubihuze na shampiyona.”

Uyu muyobozi yongeyeho kandi ko, impamvu nyamukuru nanone yatumye batitabira iri rushanwa mu mukino wo kwishyura, ngo nuko ahanini bari banafite n’undi mukino na Musanze.

Yakomeje avuga ko kuva I Nyagatare ukagaruka I Rusizi, ukongera ukajya I Musanze ari ibintu byari kubagora bahitamo kubireka.

“Ubundi byari kudufata iminsi yose kugenda no kugaruka. Nkubu twari dufite umukino ejo ku wa kabiri, abakinnyi bagakwiye kuba barahagurutse hano ku cyumweru rero harimo imvune ku bakinnyi, hakabamo amafaranga menshi tudafite ubwo rero byabaye ngombwa ko dufata icyo cyemezo.”

Alphonse kandi, yasabye akana gashinzwe imyitwarire muri Ferwafa,ko kugirango bafatire ibihano amakipe, bakabaye banareba mbere na mbere uko ayo makipe abayeho ku mpande zombi.

Ati “Nabo nkeka ko ari abantu bazi imiterere y’amakipe y’uturere, bazi ingorane amakipe aba arimo bakwiye gufata ibihano ariko banagendeye ku busabe bw’amakipe, cyane ko uko iyi mikino ipanzwe yatunguye abantu benshi, burya tujye twemera intege nke zacu kuko ntabwo twigeze dukina igikombe cy’amahioro kivanzwe na shampiyona mu gihe kimwe."

Mu mabwiriza agenga igikombe cy’amahoro “Akanama gashinzwe imyitwarire karicara kakareba ibihano gakwiye gufatira umunyamuryango wikuye mu marushanwa.

Imikino y’igikombe cy’amahoro yio kwishyura, irakomeza ku munsi w’ejo tariki 11 ndetse na Tariki 12 Gashyantare 2020.

Dore uko iyo mikino iteye:

Tariki 11 Gashyantare 2020

Vision FC vs ASPOR LTD (Mumena Stadium, 15h:00’)
Etincelles FC vs Impeesa FC (Umuganda Stadium, 15h:00’)
Pepiniere FC vs Rutsiro FC (Gikomero Pitch, 15h:00’)
AS Kigali vs SC Kiyovu (Kigali Stadium, 15h:00’)
Sunrise FC vs Espoir FC (Nyagatare Stadium, 15h:00’)
Interforce FC vs AS Muhanga (Kicukiro Stadium, 15h:00’)

Tariki 12 Gashyantare 2020

Intare FC vs Rayon Sports FC (Kicukiro Stadium, 15h:00’)
Police FC vs AS Musanze FC (Kigali Stadium, 15h:00’)
Etoile de l’Est FC vs APR FC (Ngoma Stadium, 15h:00’)
Marines FC vs Gorilla FC (Umuganda Stadium, 15h:00’)
Bugesera FC vs Mukura VS (Bugesera Stadium, 15h:00’)
Gicumbi FC vs Rwamagana FC (Mumena Stadium, 15h:00’)

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO