Uwari Team Manager wa Gasogi yapfuye

Ubuyobozi bw’ikipe ya Gasogi United bwihanganishije abakunzi b’umupira w’amaguru mu Rwanda by’umwihariko umuryango wa Patrick Niyibigira wari ushinzwe ubuzima bw’ikipe (Team Manager) witabye Imana azize impanuka.

Niyibigira Patrick yari ari mubayobozi ba Gasogi United aho yari ashinzwe ahanini ubuzima bw’iyi kipe. Nkuko biri ku rukuta rwa Twitter ya Gasogi United, bavuze ko yahitanzwe n’impanuka.

Bagize bati: “Umuryango mugari wa Gasogi United ushenguwe n’urupfu rutunguranye rw’uwari Team Manager wayo NIYIBIGIRA Patrick wazize impanuka. Gasogi United yihanganishije umuryango we n’abasportifu bose muri rusange.”

Uretse kandi kuba iyi kipe yageneye ubutumwa abakunzi b’umupira w’amaguru ndetse n’umuryango we, Ishyirahamwe ry’Umupira w’Amaguru mu Rwanda FERWAFA, ryihanganishije umuryango w’uyu mugabo ndetse n’abakunI b’umupira w’amaguru mu Rwanda muri rusange.

Bagize bati: “FERWAFA yifatanyije na GASOGI United mu byago byo kubura uwari Team Manager wabo witabye Imana mu masaha atambutse. Twifatanyije kandi n’umuryango mugari w’abakunzi b’umupira w’amaguru muri ibi byago by’umwihariko umuryango wa Patrick NIYIBIGIRA. Imana imwakirane ubwuzu mu bayo.”

Patrick Niyibigira yafashije Gasogi United kwitwara neza mu mwaka ushize w’imikino mu Rwanda, nyuma yuko iyi kipe yari izamutse mu kiciro cya mbere cy’umupira w’amaguru mu Rwanda

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO