Ubwoko bushya bwa COVID-19 bwitwa IHU bwagaragaye mu Bufaransa

Mu gihe isi ihanganye n’ubwoko bushya bwa Covid-19 bwihinduranyije bwitwa Omicron, Mu gihugu cy’Ubufaransa hamaze kugaragara ubwoko bushya bwa Covid-19 bwiswe IHU.

Amakuru dukesha inzego z’ubuzima zo mu Bufaransa avuga ko ubu bwoko bwa Covid-19 yiswe IHU imaze kwandurwa n’abantu 12 kuva igihe twateguraga iyi nkuru.

Ubwoko bushya bwa Covid-19 bwiswe IHU (B.1.640.2) bumaze gutahurwa mu bantu 12 bo mu majyepfo ashyira uburasirazuba bw’Ubufaransa.

Umuntu wa mbere watahuweho IHU, inzego z’ubuzima zasanze yaranduye nyuma yo kuva mu ngendo yakoreye muri Cameroon.

Abashakashatsi batandukanye bavuga ko n’ubwo bavumbuye iyi Covid-19 yiswe IHU ngo ntabwo bisobanuye ko iteye ubwoba cyane ko yakwandura k’umuvuduko mwinshi cyangwa ngo yemezwe ko ari ubwihindurize bushya dore ko itaremezwa n’ishami ry’umuryango w’abibumbye ryita ku buzima.

Mu bushakashatsi bumaze gukorwa bwavumbuye impinduka zisaga 46 muri virusi ya IHU kugeza ubu itaraboneka mu bindi bihugu cyangwa ngo itangire gukorwaho ubushakashatsi n’ishami ry’umuryango w’abibumbye ryita ku buzima.

Nyuma y’uko hagaragaye ubu bwoko bushya bwa Covid-19 yiswe IHU, perezida w’Ubufaransa Emanuel Macron yahise avuga ko agiye gushyira igitutu ku bantu batikingije Covid-19.

Mu kiganiro yagiranye n’ikinyamakuru cya Le Parisien, mu magambo ye bwite yagize ati " Ndashaka kubashyiraho igitutu, Kandi tuzakomeza kubikora kugeza ku iherezo. "


Perezida Macron agiye guhangana n’abatarikingiza covid-19.

Abatavuga rumwe n’ubutegetsi bw’Ubufaransa bavuze ko amagambo Emmanuel Macron yakoresheje ko bitari bikwiye ko akoreshwa n’umukuru w’igihugu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO