Ubwongereza: Amakuba akomeye ku bashushanya ‘Tatoos’ nyuma yo guhagarika imiti bakoresha

Ibihugu bibarizwa muri Leta y’Ubwongereza bwunze ubumwe (European Union) byashyizeho itegeko rica imiti yifashishwa mu kwandika ku ruhu mu gihe abantu bifuza gushyiraho imitako y’amabara atandukanye ku mibiri yabo.

Impamvu nyamukuru ngo ni uko imwe muri iyi miti itera ingaruka zikomeye ku buzima bwa muntu nka kanseri n’izindi ndwara zikomeye.

Aya mategeko mashya yashyizweho akumira abakora akazi ko gushushyanya ku mibiri y’abantu (tatoo artits) ababuza gukoresha imwe mu miti bari basanzwe bakoresha kuko ibinyabutabire biyigize byashyira ubuzima bw’abantu mu kaga.

Abakora aka kazi muri ibi bihugu bari barahawe igihe kingana n’umwaka umwe kuva mu Ukuboza 2020 kugirango bazabe baramaze kubona indi miti bakoresha itashyira ubuzima bw’abantu mu kaga.

Imibare dukesha European Chemicals Agency, Aho yakoze ubushakashatsi ku miti ikoreshwa ku mitako abantu biyandikaho ku mibiri, Yagaragaje ko 12% mu baturage miliyoni 450 batuye Uburayi bwunze ubumwe bangana na miliyoni 54 bose basanze barashyize imitako (tatoo) ku mibiri yabo.

Iri tegeko ryashyizweho rikumira imiti ivangavangwa igakorwamo amabara abantu biyandika ku mibiri kuko imwe muri iyo miti igira ingaruka zikomeye nko kubura urubyaro, kanseri n’indwara z’uruhu.

Benshi mu bakora akazi ko gushushanya ku mubiri banenze iki cyemezo bibaza icyo bazakora niba imiti bakoreshaga igiye guhagarikwa.

Uwitwa Tin-Tin uhagarariye ishyirahamwe ry’abashushanya ku mibiri bo mu Bufaransa yagize ati “Ibi bakoze bimeze nko gukura ifarini mu mugati, Nta Bwenge bwaba burimo. Niba tudafite imiti y’amabara atandukanye yo gukoresha, cyangwa nibura umuti w’ibara rimwe, ubwo se twakoresha iki ?.’’

Gwenaelle Reaume, Umunyamabanga w’ishyirahamwe ry’abashushanya ku mibiri bo mu Bubiligi yavuze ko icyorezo cya Covid-19 cyatumye bakererwa ku bushakashatsi bagombaga gukora ku miti bakoresha mu kazi kabo ka buri munsi.

Yasoje asaba leta kwihangana ikabongerera iminsi kuko bamwe mubo bakorana batangiye no kubura indi miti bakoresha kuko iyo bari bafite yamaze kubashirana kandi gukora indi nkayo bikaba bitemewe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO