World Cup:Ubwongereza birangiye bwihanangirije Iran ndetse ubuhanuzi bw’ingamiya burasohoye

Mu mukino waranzwe no kwiharirwa cyane n’ikipe y’igihugu y’Ubwongereza
(Three Lions)birangiye ikipe y’igihugu ya Iran inyagiwe imvura y’ibitego 6-2 nndetse ubuhanuzi bw’ingamiya yari yahanuyue ko Ubwongereza buzatsinda burasohoye.

Umukino watangiye ikipe y’igihugu ya Iran irimo gukina umukino ushingiye cyane kukugarira ndetse inafunga cyane izamu ryabo.

Gusa ku munota wa 35 w’umukino Jude Bellingham yatsinze igitego cy’umutwe ku mupira yaherejwe neza na Luke Shaw maze nawe ahita atsinda igitego cy’umutwe.

Ni mu gihe kandi mbere yo gutsinda igitego umukinnyi Harry Maguire nawe yagerageje uburyo ariko umupira uza gukubita igiti cy’izamu.

Bukayo Saka nawe yahise atsinda agitego cya Kabiri cy’Ubwongereza ku mupira mwiza cyane yaherejwe na Harry Maguire.

Nyuma gato kandi ubwo umukino wari ugeze ku munota wa 46 umukinnyi Raheem Sterling yatsindiye Ubwongereza igitego cya 3 ndetse igice cya Mbere kirangira ari ibitego 3-0.

Mu gice cya kabiri ubwongereza bwatsinzemo ibindi bitego bigera kuri bitatu harimo Bukayo Saka wongeye gutsinda igitego cya 4 ari nacy cya kabiri cye,tutirengagije igitego cya gatanu cyatsinzwe na Rashford winjiye asimbuye Harry Kane n’igitego cy’agashingiracumu cya Grealish winjiye nawe asimbuye Bukayo Saka.

Umukino warangiye ari ibitego 6-2 ubwongereza bwihaniza igihugu cya Iran gutyo.

Jude Bellingha,m yafunguye amazamu


Bukayo Saka yatsinze ibitego 2 muri uyu mukino

Raheem Sterling nawe yatsinze igitego

Marcos Rashford yatsinze igitego cya Gatanu nyuma yo gusimbura Harry Kane

Jack Grealish yatsinze igitego cy’agashinguracumu ari cyo cya Gatandatu

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO