Ubwongereza buritegura gutanga urukingo rwa kane rwa Covid-19 bugahita bukuraho ingamba zose zo kwirinda iki cyorezo

Ubwongereza buri kwitegura gutangira gahunda yo gutanga urukingo rwa kane rwa Covid-19 ku bari mu zabukuru n’abakwibasirwa cyane n’iki cyorezo, Ubundi bugahita bukuraho gahunda zose zo kwirinda iki cyorezo nk’uko minisitiri w’iki gihugu yabitangaje.

Mu bantu bazitabwaho batanga uru rukingo rwiyongera ku rwo gushimangira ni abari mu zabukuru bari hejuru y’imyaka 75, abakora muri serivisi z’ubuvuzi n’abafite indwara zica intege ubudahangarwa bw’umubiri.

Abari hejuru y’imyaka 18 bazahabwa inkingo zo mu bwoko bwa Pfizer-BioNTech cyangwa se Moderna mu gihe abari mu kiciro cy’imyaka ya 12-18 bo bazahabwa inkingo za Pfizer-BioNTech zonyine.

Icyatunguye benshi ni uburyo minisitiri w’intebe w’Ubwongereza ’Boris Johnson’ yatangaje ko Ubwongereza buzahita bukuraho ingamba zose zo kwirinda covid-19, Ibi ngo ni uko abantu bagomba gutangira kwimenyereza kubana n’iki cyorezo nk’uko tubana n’ibicurane kandi nabyo byaratangiye ari icyorezo cyahitanye benshi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO