Uko gahunda y’indi mikino y’ibirarane iteye nyuma yuko APR FC itsikiye

Nyuma y’aho imikino y’igice kibanza cya Shampiyona y’ikiciro cya mbere "Primus National League" ndetse n’ikiciro cya kabiri mu Bagabo irangiye, kuri ubu hari gukinwa imikino y’ibirarane itarabereye igihe.

Muri PRIMUS NATIONAL LEAGUE, tariki 03 Gashyantare 2022, Marines FC izakina na Espoir FC, umukino uzabera kuri sitade Umuganda, saa 15:00.

Naho tariki 04 Gashyantare 2022, Rutsiro FC izakira APR FC kuri sitade Umuganda, saa15:00.

Ni mu gihe ku munsi w’ejo hashize tariki 1 Gashyantare 2022, APR FC yatsinzwe na MUKURA Victory Sport igitego 1 ku busa, mu mukino w’ikirarane wabereye kuri sitade ya Kigali I Nyamirambo.

Mukura Victory Sports ikaba yahise ishyira iherezo ku rugendo rwa APR FC yari imaze imikino 50 ya Shampiyona idatsindwa, ku gitego cyatsinzwe na Nyarugabo Moise ku munota wa 31.

Nyuma y’uyu mukino ubuyobozi bwa APR FC bukaba bwakoresheje umuhango wo gushimira abatoza bayo nyuma y’imikino 50 badatsindwa.

Adil Eradi Mohamed yahawe igihembo n’umuyobozi wa APR FC nyuma yo kumara imikino 50 idatsindwa

Abakinnyi, abatoza n’abayobozi ba APR FC bafashe ifoto nyuma y’umuhango wo kwishimira kumara imikino 50 badatsindwa.

Muri shampiyona y’icyiciro cya kabiri (FERWAFA SECOND DIVISION LEAGUE) Kuri uyu munsi Tariki 02 Gashyantare 2022: Gasabo united irakina na UR FC, umukino urabera ku kibuga cy’ I Rugende, saa 12:30.

Naho saa15:00, RUGENDE FC irakina na NYANZA FC, umukino nawo urabera ku kibuga cy’ I Rugende.

Imikino yo kwishyura ya PRIMUS NATIONAL LEAGUE iteganyijwe gutangira tariki 12/02/2022 mu gihe Iya FERWAFA SECOND DIVISION LEAGUE izatangira tariki 19/02/2022.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO