Uko mbibona: Patriots BBC yirukanye abatoza bashya nyuma y’ukwezi kumwe batangiye imirimo.

Ikipe ya Patriots Basketball Club yari ifite abatoza babiri bashya muri uyu mwaka biravugwa ko yamaze kubasezerera nyuma yo kubona ko nta bushobozi bafite bwo gutoza iyi kipe.

Aba batoza ni Carey Francis Odhiambo wari umutoza mukuru aho yungirizwaga na Liz Mills ukomoka muri Australia. Aba bombi basinye mu kwezi ku Ugushyingo 2019, aho bari basimbuye Henry Mwinuka wari umaze kubahesha igikombe cya shampiyona ndetse na Playoffs 2019.

Amakuru agera kuri Genesisbizz aravuga ko aba batoza basezerewe ndetse ko ikipe ya Patriots BBC iri gushaka undi mutoza mukuru uzabasimbura.

“Ntabwo aribyo abatoza turacyarikumwe nubwo tutaratangira imyitozo, ubwo sinzi aho ayo makuru yavuye.” Umwe mu bakinnyi ba Patriots uri mu biruhuko utashatse ko izina rye rishyirwa hanze.

Genesisbizz, yamenye ko aba batoza bombi nta numwe wari ufite amasezerano mu ikipe ya Patriots BBC, ahubwo ko bari mu igeragezwa ngo barebe niba bazahabwa amasezerano.


Liz Mills wari umutoza wungirije wa Patriots BBC

Ubwo twakoraga iyi nkuru twashatse kumva icyo uruhande rw’ubuyobozi bwa Patriots BBC buvuga kuri iki kibazo, gusa nimero za telephone ngendanwa zabo ntizacamo.

Amakuru ahari aravuga ko Patriots BBC izatangira imyitozo ku wa mbere w’icyumweru gitaha, izabona umutoza mukuru ku wa gatatu w’icyo cyumnweru mbere yuko shampiyona ya 2019/2020 itangira.

Carey Francis Odhiambo ukomoka muri Kenya, yari umutoza wungirije wa Kenya mbere yuko aza mu Rwanda, yanaciye mu makipe atandukanye harimo Equity Bank BBC Coop bankenya zose zo muri Kenya.


Carey Francis Odhiambo ukomoka muri Kenya, bivugwa ko yatandukanye na Patriots BBC arikumwe na Sagamba Sedar

Naho uyu mugore wari umwungirije, yaciye mu makipe atandukanye, yabaye umutoza wungirije w’igihugu cya Cameroon ndetse na Zambia, yanabaye umutoza Metero nayo yo muri Zambia ndetse n’andi makipe yo muri Africa.

Aba batoza bafashije Patriots BBC kwitwara neza mu marushanwa y’ijonjora rya kabiri rya Bal, aho begukanye umwanya wa mbere batsinze imikino yose yabereye muri Kigali Arena.

Bombi bari abatoza ba Patriots

Genesisbizz

Related Articles

TANGA IGITEKEREZO