Uko wakwandikisha filime yawe igahatana muri ’Rwanda International Movie Awards’

Ishusho Arts itegura irushanwa rya Rwanda International Movie Awards yatangaje ko ubu Abafite amafilime bakoze batangira kuyatanga kugirango ahatanire ibyo bihembo bigiye kuba ku nshuro ya munani.

Mu kiganiro baheruka kugirana n’itangaza makuru cyabereye muri Hill View Hotel hatangajwemo byinshi ku mitegurire y’iri rushanwa rigiye gutangwa ku nshuro ya Munani nyuma yaho riheruka gutangwa mu mwaka wa 2019 rikaba umwaka ushize ritarabaye kubera icyorezo cya Covid-19 .

Abari gutegura Rwanda International Movie Awards batangaje ko mu irushanwa ry’uyu mwaka harimo impinduka nyinshi aho bongereyemo ibyiciro ndetse n’ibihembo bikazaba bitandukanye n’ibyo bari bisanzwe batanga .

Mucyo Jackson uhagarariye Ishusho Arts yateguye iri rushanwa yatangaje ko uyu mwaka mu bihembo bazatanga ko uzeguka umwanya wa Mbere azahembwa Imodoka , naho ku mwanya wa Kabiri yegukane amafaranga ariko atarigeze atangazwa umubare wayo uko azaba angana .

Mu bindi Jackson yatangaje n’uko hiyongereyemo ibyiciro bishya birimo Best Child Actor na Best Child Actress cyo gushimira abakiri bato bakora sinema. Best Cultural Content kizahemba uwakoze filime nziza ishingiye ku muco, iki kikaba cyongewemo kuko Inteko y’umuco yamaze kwiyongera mu baterankunga b’iki gikorwa.

Rwanda International Movie Awards, hazatangwa ibihembo 32.Guhera tariki ya 20 Ukuboza 2021, abifuza guhatanira ibihembo bazatangira gutanga filime zabo kugira ngo harebwe izizahatana.

Filime n’abakinnyi bazo bazaba bemerewe guhatanira ibi bihembo bazatangazwa tariki ya 4 Gashyantare 2021, habone gukurikiraho Rwanda International Movie Awards tour izazenguruka mu bihugu bitandukanye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO