Ukraine iritegura inkunga za gisirikare ziturutse mu Bwongereza ziyifasha kwivuna umwanzi

Perezida wa Ukraine yaciye amarenga ko ari kwitegura inkunga ya gisirikare iturutse mu Bwongereza imufasha kwivuna umwanzi bahanganye mu ntambara.

Perezida wa Ukraine ’Volodymyr Zelenskyy’, Mu butumwa yanyujije ku rubuga rwe rwa Twitter aho akurikirwa n’abasaga miliyoni 6.9, yahishuye ko yagiranye ibiganiro na Minisitiri w’intebe w’Ubwongereza Rish Sunak aho yamwemereye inkunga za gisirikare.

Si ibi gusa kuko ngo banaganiriye n’ubundi bufasha Ukraine izahabwa mu bihe by’ubukonje twinjiramo na gahunda yo gukomeza kohereza ingano n’ibindi bikorwa bya politike mpuzamahanga bitandukanye.

Kuva ku itariki 24 Gashyantare 2022, hashize amezi (9) icyenda Uburusiya butangije ibyo bwise ibikorwa bya gisirikare bidasanzwe muri Ukraine byatumye ibintu bidogera hirya no hino ku isi bamwe bava no mu byabo abandi barapfa.

Kugeza ubu nta ruhande na rumwe yaba Uburusiya cyangwa Ukraine rwari rwagaragaza ko ruteganya guhagarika imirwano cyangwa imishyikirano y’amahoro ndetse birasa nk’aho intambara idateganyije kurangira vuba.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO