Ibyabereye Ukraine muri iki gitondo birenze ukwemera, ibitero by’Uburusiya bimaze guhitana benshi

Mu gitondo cyo kuri uyu wa kane, perezida w’Uburusiya Vladimir Putin yatagaje ko hari ibikorwa bya gisirikare biteganyijwe muri Ukraine. Minisitiri w’ubutegetsi bw’igihugu cya Ukraine yatangaje ko Uburusiya bwatangiye ibikorwa byo gushoza intambara no gufata ubutaka bw’iki gihugu.

Amakuru ava mu biro bya minisiteri y’ubutegetsi bw’igihugu cya Ukraine nk’uko tuyakesha CNN avuga ko Uburusiya bwamaze gushoza intambara bwinjira ku butaka bwa Ukraine mu buryo budasubirwaho.

Aya makuru akomeza avuga ko hagaragaye batayo z’abasirikare zitandukanye bambukaga umupaka kandi baciye mu bice bitandukanye.

Hakomeje no kumvikana iturika mu bice bitandukanye by’umurwa mukuru wa Ukraine, Kyiv.

Perezida wa Ukraine, Volodymyr Zelensky yahise ashyiraho ibihe bidasanzwe mu gihugu aho yasabye abaturage kuguma mungo.

Yakomeje avuga ko ejo hashize (ku wa gatatu) yagerageje guhamagara perezida Putin ngo bavugane kuri telefone gusa ntibyakunda.

Kuva Uburusiya bwatangira ibi bikorwa byo gushoza intambara, ni ibintu byinshi bimaze kwangirika muri Ukraine kuva muri iki gitondo.

Amasoko y’Abanyaburayi, Abanyaziya na Amerika akorera kuri murandasi yamaze gutakaza imigabane minini, CAC 40 y’Abafaransa yamaze gutakaza 4%, Dax y’Abadage yatakaje nayo 4% by’imigabane.

Inkomere zabaye nyinshi bitewe n’ibisasu byarashwe n’ingabo z’Uburusiya muri Ukraine aho byibanze mu murwa mukuru no ku bidirindiro by’ingabo za gisirikare bya Ukraine.

Abaturage bazize ibi bitero n’inkomere ni benshi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO