Umugabo wa Matete wegukanye Tusker Project Fame 5 yitabye Imana

Umugabo w’umuhanzi ukomoka mu gihugu cya Kenya Ruth Matete wegukanye Tusker Project Fame ku nshuro ya 5 yitabye imana azize impanuka ya Gas yo mu rugo rwabo.

Matete yemeje iby’urupfu rw’umugabo we ‘BelovedJohn Apewajoye’ abinyujije kuri Facebook page ye, aho yagize ati: “Umugabo wanjye ‘BelovedJohn Apewajoye’ yagiye kubana n’uwiteka… mbasabye kunsengera muri ibi bihe bitoroshye.

Amakuru yagiye atangazwa, n’uko uyu mugabo wa Matete yitabye imana mu gihe yararimo ashyira mu buryo Gas yabo itariri gukora neza aho ibikwa (Gas Cylinder), mu gihe yayisubizaga mu nzu ngo ayicane hahise hagurumana, ndetse iramutwika ku buryo bukabije.

Yaje guhita ajyanwa kwa muganga, ndetse ahita ashyirwa mu cyumba cy’indembe (ICU) gusa kuwa Gatandatu w’iki cyumweru gishize ahita yitaba imana.

Matete Ruth yaraherutse kwerekana inkovu ziri ku mubiri we yatewe n’ubushye bukomeye yahuye nabwo mu bwana bwe, aho yavuze ko akiri uruhinja yatwitswe n’igikoma umubyeyi we yaratetse, kikaza kumutwika umubiri we hafi ya 80 ku ijana by’ibice biwugize.
Umugongo n’amatako bya Ruth Matete byari bisanzwe bifite inkovu yatewe n’ubushye bw’igikoma, none Gas yishe umugabo we

Mu Ugushyingo 2019, uyu muhanzikazi Ruth Matete yashakanye na John Apewajoye, mu birori byari bibereye ijisho, dore ko n’umugabo we yarasanzwe ari umuhanzi w’indirimbo zihimbaza imana.

Tariki 26 Mutarama 2019, Matete n’umugabo we basizwe amavuta y’ubushumba bombi mu rusengero rwa Christ Nation, ndetse nyuma y’aho Ruth ahita ahindura izina, yitwa ‘Minister Ruth Matete’ naho umugabo we aba ‘Minister BelovedJohn Apewajoye’.

Ruth Matete wegukanye TPF5 asanzwe aririmba indirimbo zihimbaza imana, reba Video:

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO