Umugenzi utazi rimwe na kabiri yamanuye indege mu kirere ayiparika ku butaka

Umugenzi utari wamenyerkana wo muri Leta ya Florida yamanuye indege ayigeza ku butaka nyuma y’uko umupilote wari utwaye iyi ndege yafashwe n’uburwayi bityo akabura ubwenge.

Uyu mugabo yagerageje kumenyesha abagenzura ikibuga cy’indege ko nta gitekerezo afite cyo kumanura indege nyuma y’uko umupilote yari yamaze kubura ubwenge.

Umugenzuzi mukuru wigiswha abapilote yatangiye kumusobanurira uburyo ashobora kumanura iyo ndege, aho yamusobanuriye uko yabigenza maze akururutsa indege ku kibuga cyitwa Palm Beach.

Gusa uyu mugabo yabajijwe aho baba baherereye kugirango bakomeze guhabwa ubufasha maze asubiza avuga ko adafite n’igitekerezo cyo kumenya aho baherereye mu kirere, gusa yabashije gutangaza ko arimo kubona umwaro wa Florioda imbere ye nubwo bari bakiri mu kirere.

Mu magambo ye uyu mugenzi yatangaje ko ucunga ikibuga cy’indege yamusabye kugumisha hamwe amababa y’indege maze agakomeza gucungana n’umwaro wa Florida.

Robert Morgan ugenzura ingendo z’indege ki kibuga cya Palm Beach yari mu kiruhuko gusa uwo bakorana niwe wabashije kumugezaho aya makuru.

Morgan bivugwa ko amaze imyaka isaga 20 akora ku kibuga cy’indege ayobora abapilote, yabashije gukoresha ikarita yerekana ikizuru maze ayobora neza uyu umugenzi.

Amwe mu majwi yafashwe bwana Morgan yumvikanye cyane arimo kwigisha uyu mugenzi amayeri agomba gukoresha akamanura indege,ndetse yakomeje amusaba ko agomba kugenda amanura indege buhoro buhoro kugeza bageze ku kibuga hasi.

Ubwo uyu mugenzi yagezaga hasi indege yagaragaye cyane ahoberana na bwana Morgan amushimira ko yabashije kurokora ubuzima bw’abagenzi benshi kandi atari azi gutwara indege.

Nyuma y’aho indege igejejwe hasi umupilote ushinzwe gutwara iyi ndege yahise yihutanwa kwa muganga kugirango abashe kwitabwaho n’abaganga ndetse kugeza ubu ntabwo haramenyekana indwara yatumye uyu mutwazi w’indege ata ubwenge.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO