Umugore wa Justin Bieber arashinjwa kwiba izina ry’uruganda RHODE akarikoresha mu gushinga uruganda rwe rutunganya ibirungo by’ubwiza

Umugore wa Justin Bieber uzwi ku izina ’Hailey Bieber’ ari mu mazi abira nyuma yo gushinjwa kwiba izina rikoreshwa n’urundi ruganda akarikoresha ku ruganda rw’ibirungo by’ubwiza aheruka gufungura.

Uyu mugore w’imyaka 25 ashinjwa kwiba izina ry’uruganda RHODE rusanzwe rutunganya imyenda akarikoresha mu gushinga uruganda rwe yise rhode rutunganya ibirungo by’ubwiza yafunguye ku mugaragaro ku wa 15 Kamena aho bamushinje kwigana izina ryabo ndetse akazabatwara abaguzi akanangiza isoko ryabo n’ubwo bakora ibicuruzwa bitandukanye.

Uruganda rwa RHODE rwashinzwe n’abagore babiri Purna Khatau na Phoebe Vickers mu mwaka wa 2014, imyambaro y’uru ruganda yagaragaye yambawe n’ibyamamare bitandukanye bikomeye nka Beyoncé naLupita Nyong’o.

Kuba uyu Hailey Beiber yarashinze uruganda rwitwa Rhode aho itandukaniro yarwo na RHODE ari uko uruganda rumwe rugizwe n’ikirango cyo mu nyuguti eshanu zo mu cyapa urundi rukagira inyuguti eshanu zo mu munyuguti nto.

Ba nyir’urugandwa rwa RHODE bavuga ko ibi bizabagiraho ingaruka zikomeye kuko babifata nko kwigana kandi iki ni icyaha gihanwa n’amategeko.

Bitewe n’ubwamamare bw’uyu mugore n’umubare munini w’abamukurikira ku mbuga nkoranyambaga abashinze uruganda rwa RHODE bizera ko ibi bishobora guteza urujijo mu baguzi babo bigatuma bagura ibicuruzwa bya rhode icuruza ibirungo by’ubwiza aho kugura RHODE ikora imyambaro.

Barasaba ko uyu mugore yarekeraho gukoresha izina Rhode nk’uruganda rwe ndetse agatangaza inyungu zose yaba yarakuye mu gukoresha iri zina zikagabanwa mu buryo bunyuze mu mategeko.


Hailey Beiber ashobora kugezwa imbere y’inkiko nyuma yo gushinjwa kwiba izina ry’uruganda RHODE akarikoresha ashinga uruganda rwe yise rhode

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO