Umugore wa Lionel Messi Antonella Roccuzzo yageneye ubutumwa budasanzwe umugabo we nyuma yo kwegukana igikombe cy’Isi

Umugore wa Lionel Messi Antonella Roccuzzo yageneye ubutumwa bukomeye umugabo we Lionel Messi waraye ahesheje Argentine igikombe cy’Isi.

Lionel Messi yaraye akoze amateka atwara igikombe cy’isi aho ibi babigezeho nyuma yo gutsinda ikipe y’igihugu y’Ubufaransa kuri Penaliti 4-2 nyuma y’aho amakipe yombi yari yaguye miswi.

uyu mukino wari indya nkurye aho amakipe yombi yanganyije ibitego 3-3 maze hiyambazwa Penaliti birangira Argentine ya Lionel Messi yegukanye igikombe cy’Isi kuri Penaliti 4-2.

Nyuma y’umukino, umugore wa Lionel Messi yifashishije Instagram ye agira ati: "Ntabwo nzi uko nabitangira, guterwa ishema nawe birenze uko twiyumva. Wakoze kutwigisha kudacika intege, wararwanye kugeza ku musozo.

Bwa nyuma ubonye insinzi, turabizi ko wabirwaniye igihe kirekire kugira ngo ubone icyo ushaka". 

Uyu mugore wa Lionel Messi witwa Antonela Rocuzzo yari kumwe nawe muri Qatar kuva iki gikombe cyatangira kuwa 18 Ugushingo 2022.



Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO