Umugore wa Riderman yamuvuze imyato nyuma y’imyaka itandatu ishize babana

Umugore w’umuraperi Riderman, Agasaro Nadia yavuze imyato umugabo we nyuma y’imyaka itandatu ishize babana nk’umugore n’umugabo.

Uyu mugore abinyujije ku rukuta rwe rwa Instagram yavuze ko hashize imyaka itandatu abanye na Riderman imbere y’Imana n’abantu.

Ati “Riderman imyaka ibaye itandatu umpa urukundo rwinshi bidasanzwe birahebuje ku kugira nshuti magara nkunda . Imana yabumbiye umunezero wanjye wose muri wowe maze igihe kigeze ihuza inzira zacu mu buryo bwayo dore ko ikora ukwayo. Reka nyishimire kuko yakabirije inzozi zanjye muri wowe.

“Imana izaduhe kuzarambana kugeza twuzukuruje. Nzagukunda urudasaza kuko wankunze urudasanzwe. Ndagukunda kugera ku ndiba y’umutima mukunzi.”

Riderman na Agasaro Nadia bakoze ubukwe taliki ya 16 Kanama 2015. Kugeza ubu bamaze kubyara abana batatu harimo imfura y’umuhungu hamwe n’impanga baheruka kwibaruka mu mezi make ashize.


Riderman na Agasaro bakoze ubukwe ku italiki nk’iyi muri 2015

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO