Umugore wa Safi yinjiye muri Sinema ahera ku yitwa “Za Nduru”

Niyonizera Judithe wamenyekanye ubwo yashakanaga n’umuhanzi Niyibikora Safi Madiba amaze iminsi I Kigali aho bivugwa ko yamaze no kwinjira mu ruhando rwa Sinema Nyarwanda kuko yatangiye gukora filime ye yitwa “Za nduru."

Ibi bitangajwe nyuma y’inkuru ziherutse gucicikana z’uko Niyonizera na Safi Madiba batandukanye ndetse bikaba byari bimaze iminsi binavugwa ko uyu mugore yambikiwe impeta I Kigali n’undi musore.

Amakuru yizewe ava mu nshuti ze ahamya ko uyu mugore atigeze yambikwa impeta ahubwo amafoto yacicikanye ari ayafashwe ubwo bari mu bikorwa byo gufata amashusho ya film izagaragaramo Judithe n’abandi bakinnyi.

Iyo filime ari gukora ngo izaba yitwa “Za nduru” azayihuriramo n’ibindi byamamare bitaratangazwa.

Yagize ati “Amaze iminsi mu Rwanda [Judithe], ashobora kuba ari mu bikorwa bya film ndetse iyo film niwe muyobozi mukuru wayo n’ubwo nawe ayikinamo.”

Kugeza ubu n’ubwo uyu mugore ari I Kigali bivugwa ko yasize umugabo we muri Canda ndetse aba bombi bakaba batakibana nk’umugore n’umugabo nk’uko biherutse gutangazwa na Safi Madiba.

Judiht Niyonizera na Safi Madiba Niyibikora basezeranye mu mategeko taliki ya 01 Ukwakira 2017. Gusa nubwo batakibana ntabwo baratandukana mu buryo bwemewe n’amategeko.


Byavuzwe ko yaba yarabonye undi musore ariko ngo yari amakuru y’ibihuha

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO