UGANDA:Nyuma yo kubyara impanga inshuro 5 yajugunywe n’umugabo we

Umugore ukomoka mu gihugu cy’abaturanyi cya Uganda avuga ko yatawe n’umugabo we amuziza kubyara abana b’impanga ku nshuro ya gatanu.

Uyu mugore yitwa Nalongo Gloria ndetse akomoka mu gihugu cy’abaturanyi cya Uganda yatangaje ko yatawe n’umugabo we amuhoye ko yabyaye impanga inshuro 5 ndetse uyu mugabo ngo yabonaga atabasha kurera abo bana bose.

Magingo aya uyu mugore ari mu gahinda gakomeye kuko ngo yakunze guterwa ubwoba n’umugabo we aho yamubwiraga ko natabyara umwana umwe ngo batazumvikana.

Mu magambo ye narongo yagize ati "Igihe natwite impanga ku nshuro ya gatatu, umugabo yavuze ko ibyo bikomeye kuri we arambwira ngo nsubire iwacu. Aho yanyohererezaga, sinari mfite numero zabo kuko naje i Kampala gukora akazi ko mu rugo. "

Ibi byose uyu mugore yabashije kubitangariza ikinyamakuru cyo muri Uganda cyitwa NTV aho yasobanuye ko ngo umugabo we yamubwiye ko adashobora kumwitaho we n’urubyaro rwe.

Magingo aya uyu mugabo yaburiwe irengero, ijoro rimwe nyuma yo kuvuka kw’aba bana ndetse Nalongo asigaye arera abana wenyine.

Magingo aya,uyu mugore yabyaye abana 10 gusa babiri bavuye mu rugo undi umwe yitaba Imana ndetse kuri ubu uyu mugore asigaranye abana 7 ndetse niwe urimo kubarera wenyine.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO