USA:Umugore yatoraguye akayabo k’amafaranga mu ntebe yaherewe ubuntu birangira ayasubije ba nyirayo

Umugore utuye muri Calfornia muri Leta zunze ubumwe z’Amerika yatunguye benshi kubera ubupfura bwe budasanzwe ubwo yafataga umwanzuro ukomeye agasubiza Amadorari arenga ibihumbi 36 yavumbuye mu ntebe z’ubuntu yahawe birangira ayasubije ba nyirazo.

Vicky Umodu umugore utuye muri Calfonia ho muri Leta zunze ubumwe za Amerika akimara guhabwa intebe ku buntu, yavumbuye amadorari 36.000 yari ahishe muri imwe muri izo ntebe.

Uyu mugore akimara kubona aya madorari yahise yihutira kuyasubiza ba nyiri izi ntebe mu maguru mashya gusa abenshi bahise batangazwa n’iki gikorwa cy’uyu mugore.

Ku italiki 1 Kamena nibwo uyu mugore yasobanuriye Televiziyo yitwa ABC7 uburyo yabonyemo ayo mafaranga.

Yagize ati“Nabwiye umuhungu wanjye nti“ ngwino, ngwino! mvuza induru nti ni amafaranga! Ngomba guhamagara nyirayo."

Mu bisobanuro bye,yavuze ko atigeze agerageza kugumana aya mafaranga, kuko yasobanuye ko yahise yihutira kuyasubiza ba nyiri izi ntebe gusa nabo ngo bahise bamugenera ibihumbi bibiri by’amadorari kugirango abashe kugura firigo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO