Umuhanzi Ademar yatunguye abakunzi be aririmba mu ndimi z’amahanga ashize amanga

Umuhanzi Ademar ni umwe mu basore bakiri bato biyemeje kuririmba ndetse akanandika indirimbo ze mu rurimi rw’icyongereza gusa ndetse yaje gutungura benshi mu bakunzi be ubwo yari mu kiganiro Access 250 kuri Genesis Tv.

Ademar aganira na genesisbizz yatangiye abazwa inkomoko y’izina rye maze nawe mu magambo ahinnye asubiza avuga ko izina rye rikomoka mu rurimi rw’ikinya Portugal aho ade bisobanura umunyembaraga naho Mar bigadobanura icyamamare.

uyu muhanzi yabajijwe niba ari intoza mu rurimi rw’ikinya Portugal maze asubiza avuga ko atari intoza muri rwo ahubwo ko agiye azimo amagambo amwe n’amwe.

uyu musore avuga ko akora ubwoko bw’umuziki wa Hip Hop ariko igezweho bijyanye nuko hadakomerwamo amashyi ahubwo ko ari umuziki ucurangwa mu buryo bugezweho.

Ubwo yabazwaga ku mbogamizi ahura nazo mu muziki we uyu muhanzi Ademar yasubije ko ahura n’ibibazo bijyanye nuko hari benshi batumva cyangwa ngo bakurikirane neza ibihangano bye kubera inzitizi ijyanye n’ururimi dore ko we akoresha icyongereza gusa mu gushimisha no kuririmbira abakunzi be.

Uyu musore avuga ko hari benshi bamufata nk’umwiyemezi mu gihe ahitamo gukoresha indimi z’amahanga mu kuririmba icyakora avuga ko azakomeza gukora umuziki we agakurikira intego ze atitaye ku magambo y’abantu

Uyu muhanzi Ademar yatangaje ko kuba yarahisemo kwandika indirimbo ze no kuziririmba mu cyongereza bishingira ku buzima yakuriyemo kuko ahamya ko yakuriye ahantu bavuga icyongereza gusa.

Uyu muhanzi avuga ko umuziki ukwiye gusobanura uwo umuntu ariwe ndetse ukaba wanifadhishwa mu kumenyekanisha ibikorwa bye muri rusange.

Umuhanzi Ademar kuri ubu agiye i Nyamirambo ho mu Mujyi wa Kigali gusa yaboneye izuba mu gihugu cya Uganda ndetse kuri ubu afite imyaka 20 y’amavuko ndetse kugeza ubu yiga mu mwaka wa Gatanu w’amashuri yisumbuye.




Umuhanzi Ademar atangaza ahura n’imbogamizi zikomeye mu muziki we kuko abantu benshi batumva neza ururimi rw’icyongereza

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO