Alain Ndizeye ahishuye ibanga akoresha akagarura abantu mu gakiza

Mu kiganiro Access 250 gitambuka kuri Genesis Tv umuhanzi uririmba indirimbo ziramya ndetse zikanahimbaza Imana ariwe Alain Ndizeye ahishuye ko indirimbo ze zikangura cyane abantu bakagarukira Imana.

Alain Ndizeye ni umuhanzi uririmba indirimbo ziramya zikanahimbaza Imana ndetse yaboneye izuba mu mujyi wa Kigali mu Murenge wa Muhima.

Uyu musore ubwo yaganiraga na Genesisbizz yatangaje ko arimo gukora umuziki kandi ko yiyambaza imbaraga z’amasengesho kugirango arusheho gutera imbere mu muziki we.

Uyu muhanzi kandi yatangaje ko afite itsinda ry’abantu 8 yagabiwe n’Imana bashinzwe kumufasha gukora neza umuziki we.

Uyu musore yemeza ko yatangiye umuziki we akiri umwana muto kuko yemeza ko yatangiye kwiyunvamo impano ye yiga mu mwaka wa gatatu w’amashuri abanza.

Uyu musore yakomeje ahamya ko indirimbo ze zikubiyemo ubutumwa bw’umwihariko kuko avuga ko zifasha abantu kugarukira Yesu Kristo bityo bakarushaho kwegera Imana.

Alain Ndizeye avuga ko afite indirimbo nyinshi zifite ubutumwa bukomeye cyane cyane indirimbo yise Umwambaro w’urugamba aho yemeza ko ari indirimbo isubiza imbaraga abantu.

Mu gusoza Alain Ndizeye yibukije abantu gukomeza kurushaho gusenga aho yemeza ko gusenga aribwo buzima.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO