Umuhanzi Blamo yasinye muri 1K Entertainment ahita anakorana indirimbo na Alyn Sano

Mu gitondo cyo kuri uyu wa gatatu tariki 12 Mutarama 2021 nibwo ubuyobozi bw’inzu ya 1K Entertainment isanzwe ifasha abahanzi ndetse n’aba DJ’S iyoborwa na Dj Pius yatangaje ko yungutse Umuhanzi mushya witwa Blamo uba muri Amerika .

Nyuma yo gusohora indirimbo ‘Fly Away’ Blamo yakoranye na Alyn Sano, DJ Pius yahishuye ko we n’uyu musore utangiye umuziki bemeranyije gukorana mu gihe cy’umwaka.

Ati “Ubu ntabwo abahanzi nkibaha amasezerano yanditse, nzajya mbafasha ku buryo bubagirira akamaro ariko bitavuze ko bazajya baba baziritswe n’amasezerano.”

DJ Pius yatangarije Genesisbizz ko Mugisha Moses winjiranye mu muziki izina rya Blamo yamuhisemo kuko hari umuntu wo mu muryango we bakoranye nk’umu-DJ mu myaka ishize.

Ati “Uriya musore afite umuntu wo mu muryango twakoranye nka DJ, ni we waduhuje ansaba ko namufasha, nasanze afite impano rero niyemeza kumufasha.”

Uyu musore ugiye kujya akora umuziki atuye muri Leta Zunze Ubumwe za Amerika, DJ Pius yavuze ko nta byinshi bizabagora kuko inshuro nyinshi azajya aba ari mu Rwanda.

Ku ikubitiro uyu musore yahise asohora indirimbo ‘Fly away’ yakoranye na Alyn Sano, iyi ikaba ariyo ya mbere akoze.

Reba indirimbo Fly Away ya Blamo na Alyn Sano hano.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO