Umuhanzi Butera Knowless yavuze ikintu gikomeye kuri Miss Mutesi Jolly hamwe na Yago

Uyu muhanzikazi ari mubakunzwe cyane hano mu Rwanda ndetse no muri Afurika y’Uburasirazuba muri rusange, Knowless yatangaje ko Miss Mutesi Jolly amufata nk’umukobwa abandi bakwiye bakwiye kugira icyitegererezo niba bafite inzozi bifuza kugeraho.

Uyu muhanzikazi amaze kwegukana ibihembo bitandukanye nk’umuhanzi witwaye neza kandi by’igihe kirekire hano mu Rwanda, uyu knowless Butera kandi amaze gushyira hanze indirimbo yise Bafana Bafana ari kumwe n’abaraperi bakunzwe barimo Bull Dog hamwe na Fire Man.

Gusa ubwo yaganiraga n’itangazamakuru umunyamakuru yamubajije aho yakuye iki gitekerezo cyo gukora iyi ndirimbo Bafana Bafana mu buryo bw’amashusho bijyanye nuko igaragara maze Knowless avuga ko we na bagenzi be bafatanyije iyi ndirimbo bose bagiye buri umwe zana igitekerezo maze bagenda bongeramo utuntu ducye ducye twatuma ikurura abantu.

Iyi ni indirimbo yagaragayemo inzu z’ibyatsi , ihene nibindi bitandukanye ibi byose babikoze kugirango indirimbo irusheho kuba nziza kuko umuhanzi ngo ahora ari umuhanzi.

Uyu mubyeyi umaze kwibaruka abana 2 yabajijwe ibanga akoresha kugirango ahore asa neza maze uyu muhanzikazi yasubije ko nta banga ahubwo ko buri muntu agira imiterere ye gusa yemeje ko ukunda gukora siporo.

uyu muhanzikazi kandi yabajijwe ku nshuti ye magara Mutesi Jolly maze avuga ko akunda cyane uyu Mutesi Jolly yagize ati’’ Jolly ni queen ndamukunda cyane ndetse ni umuntu navuga ko ari urugero k’umukobwa wese wifuza kugendera mu nzira yamugeza kure.

Ubwo yabazwaga kugira icyo avuga kuri Yago Knowless yasubije ko Yago ari umuntu ufite umutima mwiza kandi akaba ahorana ibyishimo ndetse uyu muhanzikazi yavuze ko akunda n’ibikorwa bya Yago.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO