Umuhanzi Cedric Mugisha yatumye abakunzi ba Access 250 bahimbaza Imana bikomeye

Umuhanzi Cedric Mugisha ni umuhanzi uririmba indirimbo ziramya ndetse zikanahimbaza Imana ndetse uyu muhanzi yahamijeko kuri we kwakira Kristo ari intwaro umuherekeza mu rugendo rwe.

Uyu musore ubwo yaganiraga n’umunyamakuru wa Genesisbizz yatangaje ko indirimbo ze zikubiyemo ubutumwa bukomeye bwo kwamamaza Yesu Kristo nk’umwami n’umukiza ndetse akomeza ahamya ko indirimbo ze ariho zitandukaniye cyane n’indirimbo z’Isi.

Ubwo uyu muhanzi yabazwaga uburyo yamenyemo gucuranga ndetse akabikora ari nako aririmba yatangaje ko byose abikomora ku bagize umuryango we aho yavuze ko bamwe mu bagize umuryango we aribo afatiraho ikitegererezo kubyo akora cyane cyane bijyanye no gucuranga.


Uyu musore yakomeje avuga ko afite imbogamizi zitandukanye agenda ahura nazo cyane cyane ko abahanzi baririmba indirimbo z’Imana bataragira ubufasha bahabwa ku buryo buhoraho cyangwa ndetse ngo n’insengero bakoreramo ntiziratangira kubaha ubufasha buhamye.

Ubusanzwe uyu muhanzi Cedric Mugisha yabonye izuba mu mwaka wa 1998 ndetse yavukiye mu mujyi wa Kigali ku Kimihurura.

Yize Kandi amashuri abanza kuri Ecole du verbe akomereza n’amashuri yisumbuye mu Karere ka Rwamagana.

Uyu musore yahamije ko akunda abahanzi benshi batandukanye ndetse anavuga ko buri muhanzi amufatiraho urugero kubera ko ngo umuhanzi wese aba afite ubutumwa bukomeye buca mu gihangano cye.

Uyu musore yasoze agira abantu bose inama yo kwizera Imana ndetse akaba ariyo bahanga amaso kuko ariyo mucunguzi.

Reba indirimbo ikunzwe cyane yitwa Imirimo ya Cedric Mugisha

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO