Umuhanzi Cedu Music agaragaje icyo umuziki mu Rwanda ubura kugira ngo wogere ku Isi

Umuhanzi Cedu Music ni umwe mu bahanzi bakizamuka ndetse yagaragaje ko hari ibintu umuziki mu Rwanda ubura kugirango utere imbere cyane cyane bishingiye ku ngorane abahanzi bakiri bato bahura nazo bakabura kivugira.

Cedu Music ni umwe mu bahanzi bemeza ko umuziki wabo utanga ibyishimo bikomeye ndetse yakomeje avuga ko kuba aririmbira abantu mu bukwe, muri hoteli n’ahandi hatandukanye yahamije ko kuri we abo bantu bose baza aho baba bakeneye ibyishimo ndetse yakomeje avuga ko ibyo byishimo abibaha binyuze mu ndirimbo abaririmbira.

Uyu muhanzi yabajijwe ku bibazo ahura nabyo kugirango abashe gukora umuziki we bwite maze atangaza ko ikibazo gihari ari ikibazo cyijyanye no mu mufuka kuko ahamya ko abahanzi bato babura ubushobozi bwo gukora umuziki wabo uko bikwiriye ndetse ibi yakomeje abigaragaza nk’inzitizi zikomeye zizitira umuziki w’U Rwanda bigatuma utagera ku ruhando mpuzamahanga.

Ubwo yaganiraga na Genesisbizz uyu muhanzi yabajijwe icyo we abona ko cyakorwa kugirango umuziki utere imbere aha yahise yemeza ko kuri we abona ko icyakorwa ari ukongera amafaranga akoreshwa mu bikorwa bijyanye n’imyidagaduro mu Rwanda bityo abahanzi bakagira ubushobozi bwo gukora amashusho mashya hamwe n’amajwi anogeye amatwi.

Uyu muhanzi yaboneye izuba Nyamirambo mu mujyi wa Kigali ndetse nyuma umuryango we uza kwimukira mu Karere ka Kicukiro aho ibi byatumye ari naho yiga amashuri ye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO