Umuhanzi Clovis uba mu Bubiligi yagarutse n’indirimbo nshya "Byatse" nyuma y’imyaka ibiri

Nyuma y’imyaka ibiri n’amezi ane yimukiye ku mugabane w’i Burayi mu gihugu cy’u Bubiligi aho yajyanye n’umuryango we, kuri ubu umuhanzi Clova Lova abenshi bamenye nka Clovis Coga Style, yongeye gusubukura umuziki ashyira hanze indirimbo yise “Byatse.”

Ni indirimbo yahuriyemo na bagenzi be babiri nabo batuye muri iki gihugu ‘MTG Real One na DD’, abahanzi bose bari gukorera mu nzu (label) nshya yitwa La Source Records igiye kubafasha mu bikorwa byabo bya muzika.

Mu kiganiro na Clova Lova yadutangarije ko iyi ndirimbo ari yo ibimburiye indi mishinga we na bagenzi be bari muri La Source Record bateganya gushyira hanze, aho bahisemo guhera ku ndirimbo ibyinitse ifasha abantu kwishimira ubuzima muri ibi bihe bisoza umwaka.

Clova Lova ati “Ni indirimbo ibyinitse iri mu njyana ya Afro trap. Impamvu ariyo ndirimbo twahisemo gusohora muri ibi bihe by’iminsi mikuru ni uko uyu mwaka turi gusoza ari umwaka utarabereye mwiza abatuye isi muri rusange tukaba twarasanze byaba byiza tuwusoje twiremamo icyizere n’imbaraga dutegura umwaka utaha.”

Iyi ndirimbo yakozwe mu buryo bw’amajwi na Producer CB naho gitari yumvikanamo ikaba yaracuranzwe na Didier Touch.

Clova avuga ko nyuma yo kugera mu Bubiligi akabanza kwisuganya, ubu arimo gutegura EP 1 izasohoka 2021 izaba yitwa "Ntamupaka", ikazaba igizwe n’indirimbo ziri mu njyana zitandukanye kandi zigezweho, nkuko byumvikana mu ndirimbo ‘Byatse’ aho yumvikana akora rap ibintu benshi batamuziho dore ko yamamaye cyane mu njyana ya Coga Style yakunze gufatanyamo na Rafiki ufatwa nk’umwami w’iyi njyana.

Mu butumwa yageneye abakunzi b’umuziki n’abanyarwanda muri rusange.
Ati “Twifurije abakunzi b’umuziki n’abanyarwanda bose iminsi mikuru myiza tubibutsa ko twanyuze mu bikomeye birenze Covid19, nidushyira hamwe nayo tuzayitsinda.”


Clova Lova asigaye aba mu Bubiligi hamwe n’umuryango


Iyi ndirimbo yayikoranye na bagenzi be bo mu Bubiligi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO