Umuhanzi Drake yishoye mu mikino y’amahirwe (Betting) bituma agira igihombo cya Miliyari imwe mu mafaranga y’u Rwanda

Umuraperi w’icyogere ukomoka mu gihugu cya Canada ariko ukorera umuziki we muri Leta Zunze Ubumwe za Amerika Aubrey Drake Graham ariko ukoresha cyane izina rya Drake uyu mugabo ngo yahombye amafaranga arenga Miliyari y’amafaranga y’U Rwanda nyuma yo kuyashora mu mikino y’amahirwe ubwo hakinwaga imikino y’Igikombe cy’Isi.

Uyu mugabo ubusanzwe abenshi bamufata nk’umuntu utera umwaku ikipe afana ndetse yaje gutangaza ko ashyigikiye Argentine ya Lionel Messi maze abanya Argentine barara badasinziriye kubera iyo avuze ikipe itsindwa.

Icyakora uyu muraperi yahuye n’uruva gusenya ubwo yabonaga Argentine yatsinze Ubufaransa ibitego 2-0 maze ahita ajya muri Kompanyi zikora imikino y’amahirwe ahita ashora amafaranga agera kuri Miliyari y’amafaranga y’u Rwanda maze birangira ibitego byishyuwe maze ahomba atyo.

Iyo Argentine itsinda uyu mukino Drake yagombaga guhita ahabwa amafaranga agera kuri Miliyari 2.75 ariko yahise ahomba ayo yashoye yose.

Ubwo Drake yari akimara guhomba aka kayabo yahise asiba ubutumwa yari yashyize ku mbuga nkoranyambaga ze bwerekana ko yari yashoye Miliyari mu mafaranga y’u Rwanda.

Uyu mugabo Drake ntabwo ari ubwa mbere ashora akayabo ku mikino y’amahirwe ndetse bikarangira atsinzwe ndetse ibi byatumye benshi bamufata nk’umuteramwaku mu mupira w’amaguru.




Drake yishoye mu mikino y’amahirwe ashetera Argentine gutsinda mu minota 90 y’umukino birangira ariwe arenga Miliyari mu mafaranga y’u Rwanda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO