Umuhanzi w’I Rusizi afite indoto zo kumenyekana no muri Kigali

Umuhanzi Iradukunda ukorera umuziki mu ntara y’Iburengerazuba mu Karere ka Rusizi yakoranye indirimbo na Nessa wahoze muri Ladies Empire ya Oda Paccy avuga ko ubu ashaka no kumenyekana muri Kigali akorana n’abahanzi baho.

Uyu musore wamenyekanye mu ndirimbo ’Utarusenya’ kuri ubu afite umugambi wo gukora cyane kugirango amenyekane.

Ibi yabidutangarije ubwo yari maze gushyira hanze indirimbo ye nshya yise “Kore” yakoranye n’umuhanzikazi Nessa.

Yagize ati “Ndi gukora umuziki wanjye mu ntara nkaza gukorera I Kigali n’abandi bahanzi kugira ngo mve ku rwego rwo mu ntara kuko ubu umuziki wanjye nasanze ari imari ikomeye cyane ngomba kubyaza umusaruro."

Abajijwe impamvu yahisemo gukorana indirimbo na Nessa avuga ko yabonye ari umukobwa w’umuhanga cyane kandi ukunda akazi ke.

Ati "Uriya mukobwa imbaraga yanyeretse zatumye ngiye gushyira ingufu mu gukorana na bandi bahanzikazi benshi."

Tumubajije ku bijyanye n’indirimbo Kore yatubwiye ko ari indirimbo y’ibyishimo ishobora kuzakoreshwa mu birori bitandukanye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO