Umuhanzi Jean Baptiste Irakiza avuga ko yiteguye kutava ku izima mu rugendo rwe mu muziki wo kuramya Imana

Jean Baptiste Irakiza ni umwe mu bahanzi bakizamuka aho yagaragaje ubuhanga mu muziki uramya ukanahimbaza Imana biciye mu bihangano bye bitandukanye.

Kuwa kabiri w’iki cyumweru turimo nibwo mu kiganiro Access 250 gitambuka kuri Genesis Tv umuhanzi Jean Baptiste Irakiza yagagaje ko yiteguye kuba umwe mu bahanzi bakomeye binyuze mu kuririmba indirimbo ze bwite.

Uyu muhanzi aganira na Genesisbizz yatangaje ko umuziki akora wibanda ku kuramya no guhimbaza Imana aho avuga ko bisa n’umuhamagaro we.

Uyu musore waririmbye indirimbo ze zitandukanye yari yabukereye aho yari kumwe na producer we umufasha mu bikorwa bye bitandukanye by’umuziki.

Uyu musore yatangaje ko ahura n’imbogamizi zitandukanye mu muziki akora harimo ikibazo cy’ubushobozi dore ko avuga ko gushyira hanze indirimbo bisaba ubushobozi bukomeye kandi amafaranga akaba adahita akugarukira ako kanya.

Mu magambo ye yasoje ashimira ubuyobozi bwa Genesis Tv ndetse aboneraho no gushimira producer we wamufashije mu gucuranga indirimbo ze.



Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO