Umuhanzi Jimmy Star yasusurukije abantu ndetse anabagenera ubutumwa bukomeye biciye mu ndirimbo ze mu kiganiro Access 250

Uyu muhanzi yasusurukije abantu mu kiganiro Access 250 cya Genesis TV ndetse abasha gukomatanya impano ze zitandukanye aho we n’itsinda rye babashije gucuranga ndetse banaririmbira bikomeye abakunzi babo mu kiganiro Access 250.

Kuri uyu wa kane nibwo umuhanzi Jimmy Star mu kiganiro Access 250 gica kuri Genesis TV yasusurukije abakunzi be abinyujije mu butumwa yatanze aho yagaragaje ubuhanga bukomeye mu gucuranga gitari ari kumwe n’itsinda rye.

Mu kiganiro na Genesisbizz yatubwiye ko yavukiye mu ntara y’amajyepfo mu karere ka Ruhango ari naho yize amashuri abanza nyuma aza gukomereza amashuri yisumbuye mu karere ka Rwamagana mu ishuri ryitwa "Agahozo Shalom" ndetse mu mwaka wa 2020 nibwo yaje kurangiza kaminuza muri IPRC Kigali.

Ku bijyanye n’umuziki we uyu muhanzi yakomeje avuga ko impano ye yatangiye kuyiyumvamo kera akiri muto dore ko umuryango we ari abanyempano mu muziki, gusa mu mwaka wa 2014 yemeza ko aribwo yatangiye neza umuziki, ndetse abahanzi afatiraho ikitegererezo harimo Alpha Rwirangira hamwe n’umuhanzi intore Masamba.

Uyu muhanzi imbogamizi ahura nazo mu muziki yemeza ko harimo ikibazo cy’ubushobozi ndetse no kumenyekanisha umuziki we muri rusange, bijyanye n’uko ikibuga arimo kibarizwamo abahanzi benshi Kandi bose bakeneye kuzamuka akaba akigorwa no kwihuza nabo ngo bakorane.

Kuri ubu uyu muhanzi amaze gusohora indirimbo zigera kuri eshanu harimo iyitwa "Inkuru" ivuga cyane ku babyeyi be, afite n’indi yitwa izuba, afite Kandi indi yise "nkunda ab’iwacu", yahimbye Kandi indi yitwa intore zidasaza ndetse n’indi yise "shushu".

Mu butumwa uyu muhanzi kandi yageneye abana b’Abanyarwanda ariko bafite impano yabagiriye inama agira ati"umuntu wese ufite impano ugomba kuyikunda kandi ugashyiramo imbaraga zose zishoboka ndetse ukanibuka ko ntaho umuntu yatekereza kugera ariko ntahagere.

Jimmy Star hamwe n’itsinda ryamufashije gususurutsa abantu.


Jimmy Star yerekana ubuhanga mu gucuranga no kuririmba

Reba indirimbo "nkunda ab’iwacu" ya Jimmy Star hano

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO