Umuhanzi Msamaria Danielo yasangije abakunzi be indirimbo nshya yise My Only One

Umuririmbyi Msamaria Danielo yasangije abakunzi be amashusho y’indirimbo My Only One. Ni amashusho amaze amasaha make ku rubuga rwe rwa Youtube. Danielo asanzwe abarizwa mu nzu ifasha abahanzi ya Bantu Bwoy Entertainment yashinzwe na Big Fizzo.

Msamaria Danielo ni umuririmbyi ukomoka mu gihugu cy’Uburundi, akaba yaravukiye mu ntara ya Rumonge.

Danielo yatangiye ibikorwa byo kuririmba nk’umunyamwuga mu mwaka wa 2014 ndetse mu mwaka wa 2016 yaje kwegukana ibihembo bya Izere Awards byatanzwe na Radiyo Izere FM.

Nyuma y’icyo gihe, Danielo yakoze indirimbo nyinshi zirimo iyitwa Imuhira ndetse kuva icyo gihe ntiyongeye kugaragara cyane mu ruganda rwa muzika y’Uburundi.

Nyuma y’igihe kirekire atagaragara mu muziki, yaje kugirirwa ikizere na Big Fizzo, Uyu akaba ari Umurundi wakoranye indirimbo nyinshi n’abahanzi nka Tom Close, Charly & Nina n’abandi batandukanye.

Uyu Big Fizzo asanzwe afite inzu ifasha abahanzi (label) yise Bantu Bwoy Entertainment ndetse niyo yaje gusinyisha Msamaria Danielo mu mwaka wa 2017.

Indirimbo ya mbere yakoreye muri Bantu Bwoy ni iyo yise "Niko Twabaye", Twakwibutsa ko iyi label ayibanamo n’abahanzi nka Drama T, Jolis Jessing na Big Fizzo (CEO).

Nyuma y’indirimbo Niko Twabaye, Danielo agarutse mu ndirimbo yise My Only One.

Iyi ndirimbo yakozwe na Endo Mike muri Bantu bwoy Record, Amasanamu akorwa na John Elarts Muri Bantu bwoy Entertainment

Reba "My Only One" ya Msamaria Danielo hano

Genesisbizz

Related Articles

Ibitekerezo

  • - McBlizzo

    Good job Kbx Nakore cane imbere ni heza

Igitekerezo cyawe kirashyirwaho aruko gisusumwe

TANGA IGITEKEREZO