Umuhanzi Noel Mutagoma n’itsinda rye basusurukije abakunzi babo biciye mu ndirimbo z’isanamitima

Uyu muhanzi usanzwe aririmba indirimbo zo kuramya no guhimbaza Imana, kuwa kabiri taliki 5 Mata 2022, we n’itsinda rye bashimishije abakunzi babo mu kiganiro Access 250 gitambuka kuri Genesis TV.

Uyu muhanzi Noel Mutagoma aririmba indirimbo zo kuramya no guhimbaza Imana ndetse we avuga ko zijyanye n’isanamitima, ndetse yemeza ko yatangiye kuririmba ku giti cye nk’umuhanzi mu mwaka ushize wa 2021.

Noel Mutagoma yatangaje ko yatangiye kwiyumvamo impano y’ubuhanzi akiri umwana muto cyane, mu mwaka wa 2000 ubwo yari afite imyaka 7 y’amavuko ababyeyi be ngo batangiye kumubwira ko afite impano bijyanye n’ukuntu yakundaga kubaririmbira.

Uyu muhanzi yaboneye izuba mu Karere ka Kirehe hafi y’umupaka wa Rusumo gusa ubwo yari afite imyaka 5 y’amavuko umuryango we waje kwimukira mu Karere ka Kayonza gusa kuri ubu atuye mu murenge wa Kanombe mu karere ka Kicukiro mu mujyi wa Kigali.

Uyu muhanzi yabashije kwiga amashuri abanza, akurikizaho ayisumbuye ndetse aza no kwiga n’amashuri makuru ya kaminuza muri UNILAC ndetse uyu musore nanubu akomeje kongera amashuri aho arimo kwiga ikiciro cya kabiri cya kaminuza.

Ubwo yabazwaga n’umunyamakuru wa Genesisbizz ibibazo akunze guhura nabyo mu muziki we, uyu muhanzi yatangaje ko ntabibazo by’ingutu arimo guhura nabyo uretse abakunzi be bakunze kumusaba gusohorera rimwe indirimbo nyinshi nyamara we akavuga ko biba bikirimo inzitizi ntoya.

Uyu muhanzi yatangaje ko indirimbo ze zifasha abantu mu buryo butandukanye ndetse abajijwe ikibazo cyijyanye n’uruhare rw’umuziki we mu kubaka umuryango nyarwanda uyu muhanzi yagize ati" indirimbo zanjye zifasha abantu benshi mu buryo bw’isana mitima aho zirushaho kubahumuriza bityo bakumva ko hari izindi mbaraga ziturinda umunsi k’uwundi ndetse ubutumwa nyuza mu ndirimbo zanjye ndumva bubafasha bakirinda kwiheba".

Umuhanzi Noel Mutagoma we n’itsinda baririmbye indirimbo zitandukanye zirimo: Umusaraba ni ikimenyetso, iziyerekana, ndahamagara n’izindi zitandukanye yasoje asaba abakunzi be gukomeza kumushyigikira baciye kuri YouTube channel ye aho ari ukwandika ijambo Noel Mutagoma bagahita bagera ku ndirimbo ze.

Noel (wicaye imbere ) hamwe n’itsinda rye basusurukije abantu muri Access 250

Kurikira indirimbo ’Iziyerekana’ ya Noel Mutagoma hano

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO