Umuhanzi Nsengiyumva François "Igisupusupu" yibarutse ubuheture

Umuhanzi wamamaye cyane nka ‘Igisupusupu’ yibarutse umwana wa gatatu, akaba ubuheture bwe.

Nsengiyumva François wamamaye mu muziki nka Igisupusupu yamaze kwibaruka umwana we wa gatatu.

Ku itariki 13 Gashyantare 2022, nibwo inkuru yabaye kimomo aho uyu muhanzi yatangaje ko baruhutse umwana wabo gatatu.

Nsengiyumva François wakunzwe n’abatari bake kubera umurya we w’umuduri yakoreshaga mu muziki, yibarutse umwana wa gatatu mu bitaro bya Kiramuruzi mu karere ka Gatsibo mu Ntara y’iburasirazuba.

Nsengiyumva ari mu byishimo byo kwibaruka umwana wa gatatu mu gihe yari asanzwe afite abana babiri b’abakobwa.

François wakoze amateka yo gukundwa bikomeye mu gihe yari amaze igihe gito gusa yinjiye mu muziki, asanzwe akora umuziki mu njyana yihariye ikoreshwa umurya w’umuduri, ibintu yatangiye gukoresha ataramenyekana cyane.

Ni umugabo wahinduriwe ubuzima nyuma yo gufashwa na Alain Muku kuri ubu wahawe imirimo mishya yo kuba Umuvugizi wungirije wa Guverinoma y’u Rwanda.

Gusa umwaka washize ntiwagenze neza kuri Igisupusupu, dore ko yaje gushinjwa gufata umwana w’umukobwa w’imyaka 13 ku ngufu aranafungwa ariko akaba yaraje kurekurwa.

Nsengiyumva François yamaze kuba icyamamare.

Uyu muhanzi yaje gushyira hanze indirimbo ishima Imana ibyo yari imaze kumukorera, yise "Shimwa Mana" imaze kurebwa n’abarenga miliyoni 1 ku rubuga rwa Youtube.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO