Umuhanzi Olivier Nzaramba yibarutse Impanga 3 nyuma y’imyaka 12 ategereje umwana

Umuhanzi w’indirimbo zihimbaza Imana Olivier Nzaramba yahishuye ko yabyaye abana batatu nyuma y’imyaka 12 yari amaze ashakanye n’umugore we.

Ibi byishimo yabitangaje mu gitondo cyo kuri uyu wa Mbere, mu butumwa yacishije kuri Instagram, agaragaza ibitangaza Imana yamukoreye nyuma y’imyaka 12 amaze ashatse.

Ati “Mbere y’uko uyu mwaka wabaye mubi kuri twese urangira ndashaka gushimira Imana iri hejuru y’ibigeragezo. Njye n’umugore wanjye tumaranye imyaka 12 nta mwanya dufite ariko twakomeje gutegereza twihanganye kuko tuzi ko ari Imana y’urukundo kandi yo kwizerwa. Tariki 10 Ugushyingo 2020 yaratwibutse iduha abana batatu, abahungu babiri n’umukobwa.”

Olivier Nzaramba yasabye abantu bose bashobora kuba barahuye n’ibigeragezo nk’ibye ko bakwiye kutava ku Mana kuko nayo idatererana abayiringiye.

Nzaramba usigaye wibera mu Bwongereza yamenyekanye mu myaka ishize ubwo yari afite akabari kari kazwi nka Black&White mu mujyi wa Kigali, ndetse yanakoranye indirimbo zisanzwe n’abahanzi nka The Ben ndetse na Kitoko mbere yo kwakira agakiza.

Olivier yibarutse abana batatu, "abahungu babiri n’umukobwa.”

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO