Umuhanzi Paul wo muri P-Square yagize imvune nyuma y’igitaramo cy’amateka bakoreye muri Liberia

Umuhanzi Paul Okoye wo muri P-Square yagize imvune nyuma gato yo gukorera igitaramo mu gihugu cya Liberia.

Ni igitaramo itsinda rya P-Square ryeretswe urukundo rukomeye nyuma yo kongera kwiyunga bakemera gusubirana nka mbere mu gitaramo bakoreye muri Liberia mu nta ngiriro z’iki Cyumweru.

Paul n’impanga ye, Peter, bari bagiye muri Liberia mu gitaramo, aho bashimishije abafana babo bikomeye.

Gusa uyu muhanzi ntiyaje gusoza neza igitaramo, nkuko yabisangije abamukurikira ku rubuga rwa Instagram aho yashyizeho amashusho kuri story y’ububabare yakuye muri icyo gitaramo. Paul yagaragaje ko yakomeretse ku kaguru.

Icyakora yaje gutangira kwitabwaho n’abaganga bari bitabiriye icyo gitaramo, aho babanje kumuha ubutabazi bw’ibanze.

Ni igitaramo cyitabiriwe n’imbaga y’abantu benshi muri stade yo mu gihugu cya Liberia, kikaba aricyo gitaramo cya mbere nk’itsinda rya P-Square bakoze nyuma yo gusubirana.

P-Square bongeye kwerekwa urukundo bikomeye

Aba ni abahanzi bari basanzwe bafite izina rikomeye muri Afurika na mbere y’uko bagirana amakimbirane bagatandukana, tukwibutse ko basubiranye nyuma y’imyaka itanu badacana uwaka.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO