Umuhanzi R.Tuty agiye gushyira hanze album ya 6 iriho indirimbo zo guhimbaza Imana

Umuhanzi w’umunyarwanda Nikuze Alain Thierry uzwi nka R.Tuty ukorera umuziki we mu Bubiligi nyuma yo gutangaza ko ashishikajwe no guteza imbere muzika nyarwanda binyuze mu njyana gakondo ariko ntibikunde neza kubera icyorezo cya Covid-19 yasezeranyije abakunzi ba Muzika ye umuzingo uriho indirimbo 10 mu minsi ya vuba cyane .

Mu kiganiro na Genesisbizz, R Tuty yagize ati “Ndabizi abakunzi banjye bamaze igihe barambuze ariko sinari nicaye ubusa nari ndi kubategurira agaseke keza aho mu minsi yose ntari ntuje nari ndi gutunganya indirimbo zo kuri alubumu yanjye ubu rero iki kikaba ari igihe cyiza cyo kongera kubiyereka."

Yakomeje atubwira ko kuva yatangira kuririmba mu mwaka wa 2010 yakunze guhura n’ikibazo cyo kumenyekanisha ibihangano bye mu itangazamakuru ryo mu Rwanda kubera umwanya muke, ariko akaba abona ko aricyo gihe ngo noneho atangire akorane na maradiyo na televiziyo kuko mu busanzwe yakoranaga n’ibinyamakuru byandika anashimira cyane uruhare byagize mu kumumenyekanisha uko bishoboye.

Uyu muhanzi usanzwe afite ubuhanga bwo kuririmba no kwandika yadutangarije ko imyaka irenga 10 mu muziki amaze gukora alubumu 5, akaba ubu agaseke ateganyiriza abakunzi be kazaba karimo indirimbo zo kuramya no guhimbaza.

Tumubajije impamvu adakunda kumenyekanisha ibihangano bye yatubwiye ko gukora umuziki uri mu mahanga bikunda kugorana cyane bitandukanye nkuko abahanzi benshi bamaze kumenyekana mu Rwanda ariko ababa muri Amerika biraborohera gusa yashimangiye ko yishimira aho muziki nyarwanda igeze ubu akaba nawe ashaka gukomeza gushyira itafari aho bigeze .

Mu gusoza R Tuty yatubwiye ko muri Iyi minsi nyuma yo gusoza amasomo n’akazi yahise atangira gukora imishinga na Producer Fazzo ukunze kumuba hafi cyane kuva yakwinjira mu muziki akaba rero yizeye ko abanyarwanda n’abakunzi ba Muzika bazakirana neza indirimbo ze nshya agiye gushyira hanze .

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO