Umuhanzi Rema yagiriye inama abahanzi bo mu Rwanda

Umuhanzi w’umunyanijeriya Divine Ikubor ukunzwe kw’izina rya Rema uri mu Rwanda kuva mu ijoro ryo kuwa gatatu yagiranye ikiganiro n’itangazamakuru agira inama abahanzi nyarwanda ndetse anabizeza igitaramo kiza ku munsi w’ejo.

Kuri uyu wa gatanu tariki ya 19 Ugushyingo 2021 nibwo umuhanzi Rema yagiranye ikiganiro n’itangazamakuru cyabereye muri Kigali Arena aho azataramira ku munsi w’ejo nyuma y’umukino wa BK all Stars.

Uyu muhanzi yavuze ko ikintu cya mbere cyamushimishije ari ukuba agiye gutaramira abanyarwanda bwa mbere. Yagize ati "Ni ibyishimio kuri njye kubera ngiye gutaramira abanyarwanda nabonye bagira urugwiro."

Uyu muhanzi abajijwe ibanga yakoresheje kugira ngo mu gihe gito abe yamamaye byo ku rwego mpuzamahanga yavuze ko nta banga rikomeye yakoresheje kugira ngo akundwe uretse gukora cyane kandi agakora ibyo akunda.

Yakomeje agira abahanzi Nyarwanda inama kugira ngo bazatere imbere. Ati “Kora ibintu byawe wenyine bifite umwihariko, kandi ukore kugira ngo ube wowe, utibagiwe no kugira ikipe nini igufasha mu bikorwa byawe bya buri munsi."

Uyu muhanzi yakoze iki kiganiro nyuma y’uko ku munsi w’ejo hashize yari yatemberejwe mu nzu ndangamurage y’ingoro y’Umwami I nyanza aho yeretswe byinshi mu buzima bwo ku ngoma y’Umwami mu Rwanda n’andi mateka atandukanye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO