Ric Hassani yasuye Urwibutso, atembera Kigali ati “u Rwanda ubu ni ubutengamare” (Amafoto)

Umuhanzi wo muri Nigeria Ikechukwu Eric uzwi ku izina rya Ric Hassani waraye ageze I kigali aje kwitabira igitaramo cya Fantasy Music Concert cyateguwe n’itsinda rya Symphony Band. Yakiriwe n’abasore bagize iri tsinda nyuma yaho asura Urwibutso rwa Jenoside rwa Kigali ku Gisozi anatemberezwa umujyi.

Akigera ku gisozi uyu muhanzi Ric Hassani yabanje asobanurirwa amateka y’urwo Rwibutso rwubatswe mu 1997.

Nyuma yo gusobanurirwa amateka yaranze Jenoside yakorewe Abatutsi mu 1994, Ric Hassan n’abagize itsinda bazanye batemberejwe mu rwibutso bareba uko Jenoside yateguwe muri 1959 kugeza ishyizwe mu bikorwa muri 1994 aho Abatutsi basaga Miliyoni 1 bishwe mu minsi ijana gusa.

Nyuma yo gutemberezwa urwibutso Ric Hassani na Symphony Band bunamiye inzirakarengane zirenga ibihumbi 250 zishyinguwe muri urwo rwibutso ndetse anandika mu gitabo cy’abashyitsi.

Mu kiganiro n’abanyamakuru Ric Hassani yatangarije itangazamakuru ko yishimiye kuza mu Rwanda kandi yahakunze cyane.

Yagize ati “Nkigera I Kigali nahakunze cyane ni ahantu heza hari abantu bafite urugwiro.”

Abajijwe icyo yize nyuma yo gusura urwibutso rwa Gisozi yagize ati “Ikintu cya mbere nigiye hano ku Gisozi ni ugutanga imbabazi kubera ko ibyabaye mu Rwanda ari ibintu biremereye cyane gusa sinzi uko nabivuga kugira ngo ubashe kubabarira uwakoze biriya, bisaba kuba ufite umutima ukomeye cyane gusa nkuko babivuga u Rwanda ni umutima w’Afurika, nishimiye uko igihugu cyateye imbere cyane nyuma y’ibibazo bikomeye nkibi kuri njye rero n’isomo rikomeye cyane.”

Nyuma yo gusura urwibutso rwa Jenoside rwa Gisozi uyu muhanzi yatemberejwe umujyi wa Kigali asobanurirwa bimwe mu bice byaho birimo umujyi ndets n’igice cya Nyamirambo unyuze aho bita Norvege.

Amafoto yaranze urugendo rwose yakoreye muri Kigali














AMAFOTO: Jean Paul Nsanzabera & Nicole Photographer

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO