Umuhanzi Rihanna yatangaje indirimbo ebyiri akunda kurusha izindi zose amaze gukora

Uyu muhanzikazi umaze iminsi itari mike adasohora indirimbo nshya ubu noneho yatunguye benshi mu mashusho yakwirakwiye ku mbuga nkoranya mbaga ari kumwe n’umufana we aho yaboneye umwanya wo gutangaza indirimbo akunda kurusha izindi muzo amaze guhanga kuva yatangira umuziki we.

Rihanna yahishuriye abakunzi be indirimbo akunda kurusha izindi zose yakoze, Ibi bije bikurikira izindi nkuru zimuvugwaho dore ko akomeje kwitegura kwibaruka umwana w’imfura mu minsi iri imbere.

Nkuko people magazine ibitangaza umuhanzikazi Rihanna yagaragaye mu mashusho ku mbuga nkoranyambaga zitandukanye umufana umubaza ibijyanye n’indirimbo yaba akunda kurusha izindi muzo amaze gushyira hanze kuva yatangira umuziki we, ndetse nawe yaje kwemeza ko ari indirimbo 2 akunda cyane kurusha izindi,umufana yabajije Rihanna ati mbwira indirimbo ukunda kurusha izindi mu ndirimbo zawe.

Mu nseko itangaje Rihanna yagize ati’’mu ndirimbo zanjye nkunda cyane kurusha izindi ndetse nkaba numva ntewe ishema nazo ni indirimbo ebyiri arizo: ’’Needed Me’’yasohoye mu mwaka wa 2016 hamwe na ’’Diamonds’’ yasohotse mu mwaka wa 2012 aho yanagize agahigo katoroshye kuko yarebwe cyane kuri YouTube kurusha izindi muri icyo gihe.

Kuri ubu abantu benshi bakunda uyu muhanzikazi banyotewe no kubona asohora indirimbo nshya dore ko igihe kimaze kuba kinini benshi bakumbuye ibihangano bishya by’uyu muhanzikazi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO