Umuhanzi Sammy Ivon yatangaje ko agiye gutuma umuziki we urenga imbibi z’U Rwanda

Uyu muhanzi Sammy Ivon aririmba indirimbo ze cyane cyane mu njyana ya R&B ndetse ubwo yaganiraga n’umunyamakuru wa Genesisbizz yatangaje ko umuziki we agiye kubanza kuwusakaza mu Rwanda hose bityo ukagera no hanze yarwo

Umuhanzi Sammy Ivon avuga ko yatangiye umuziki cyera akiga mu mwaka wa gatandatu w’amashuri abanza, ndetse uyu muhanzi atangaza ko impano ye yo kuririmba ngo ayikura kuri Nyina umubyara dore ko nawe yari umuririmbyikazi ukomeye.

Uyu muhanzi ku mpamvu atanga avuga ko afite ubushobozi bwo kugeza umuziki we kure ndetse ukagera no hanze y’U Rwanda bishingiye k’ubumenyi afite mu muziki aho ahamya ko yabyize.

Avugana na Genesisbizz yagize ati" umuziki wanjye ndifuza ko wakogera mu Rwanda hose ndetse ukanagera hanze yarwo, kuko ubushobozi ndabufite bwo kubikora dore ko nabyize mu ishuri rya muzika ku Nyundo.

Yakomeje atangaza ko hari abahanzi hano mu Rwanda afatiraho ikitegererezo aho yavuzemo: The Ben,Mani Martin, Igor Mabano n’abandi batandukanye.

Ndetse hanze y’U Rwanda yemeza ko akunda cyane umuhanzi R-Kelly.

Ubwo yabazwaga ku ruhare rw’umuziki we mu kubaka umuryango Nyarwanda uyu muhanzi yavuze ko kuri we icyo afata nk’umusanzu we ari uguhimba cyane indirimbo zikubiyemo ubutumwa bwafasha umuntu akagira aho ava n’aho agera.

Reba indirimbo niwowe wanjye y’umuhanzi Sammy Ivon

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO