Umuhanzi Sergeant Major Robert ari guhigwa azira gusambanya umwana

Umuhanzi akaba n’umusirikare Sergeant Major Robert Kabera wamenyakanye cyane ubwo yaririmbaga mu itsinda rya ‘Army Jazz Band’ ari gushakishwa akekwaho gusambanya umwana.

Amakuru ahari avuga ko ibi yabikoze mu cyumweru dusoje taliki ya 21 Ugushyingo, agasambanya umwana w’imyaka 15 nyuma akaza guhita atoroka.

Nkuko byanditswe ku kinyamakuru cya Igihe dukesha iyi nkuru bavuze ko – Inzego z’umutekano zatangiye kumushakisha kugirango agezwe imbere y’ubutabera. Bati “Uwabasha kumuca iryera yamenyesha inzego z’umutekano cyangwa iz’inzego zibanze zimwegereye.”

Icyaha ni kimuhama azahanishwa ingingo ya 133 y’itegeko rigena ibyana n’ibihano rivuga ko - Gusambanya umwana ahanishwa igifungo kitari munsi y’imyaka makumyabiri ariko kitarenze imyaka makumyabiri n’itanu.

Iyo gusambanya umwana byakorewe ku mwana uri munsi y’imyaka cumi n’ine , igihano kiba igifungo cya burundu kidashobora kugabanywa kubera impamvu nyoroshyacyaha.

Iyo gusambanya umwana ufite cyangwa urengeje imyaka cumi n’ine byamuteye indwara idakira cyangwa ubumuga, igihano kiba igifungo cya burundu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO