Teta Diana yikomye abakomeje kumushinja gukora ubukwe rwihishwa

Umuhanzikazi Teta Diana yikomye abantu bakomeje kumushinja gukora ubukwe rwihishwa aho yabasubije ko akuze bihagije bitatuma akora ibirori nk’ibi mu bwihisho.

Uyu muhanzikazi wamamaye cyane mu gukora umuziki ushingiye ku njyana Gakondo, Aho asigaye abarizwa ku mugabane w’Uburayi yamaze guca amazimwe ku bibaza ku buzima bwe bw’urukundo.

Yababwiye ko ari umukobwa ukuze kandi mwiza kandi ushobora kwihitiramo uwo bakundana bitagombye gukora ubukwe rwihishwa.

Teta Diana yamenyekanye mu ndirimbo nyinshi, cyane cyane iyo yise ’Velo’, Uyu muhanzikazi ubwo yabazwaga mu kiganiro Boda 2 Boda niba afite umukunzi, mu magambo ye yagize ati’’ sinkunda gushyira ubuzima bwanjye bwite hanze cyane cyane ubuzima bujyanye n’urukundo, gusa nziko ndi mwiza kandi rwose ndakuze yemwe ndanakundana.

Uyu muhanzikazi yaboneyeho kwamagana ibitangazamakuru byakomeje kumwandikaho inkuru z’ibihuha bavuga ko yashatse muri Suwede.

Kuri ubu uyu muhanzi aba mu gihugu cya Suwede gusa amaze iminsi mu Rwanda aho yaje gusura imiryango ye itandukanye hano mu Rwanda.

Uyu muhanzikazi arateganya gusubira muri Suwede mu mpera z’ukwezi kwa Mata aho ateganya gukorera ibitaramo bitandukanye i Burayi hamwe n’itsinda rye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO