Umuhanzi Yuhi Mic nawe yamaze gutandukana n’inzu ifasha abahanzi ya The Mane

Umuririmbyi akaba n’umwanditsi w’indirimbo Forongo Francis uzwi nka Yuhi Mic muri muzika yatangaje ko yamaze gutandukana n’inzu ireberera inyungu z’abahanzi ya The Mane ihagarariwe na Bad Rama.

Avuga ku gutandukana kwe na The Mane, Yuhi Mic yavuzeko we nk’umuhanzi yagiye abura ibyo yari akeneye kugirango umuziki we utere imbere akabibura kandi afite abareberera inyungu ze.

Yagize ati”usibye kuba ndi Umuhanzi ubusanzwe ndi umuntu ugira inshingano nyinshi kandi inkomoko y’ibyo nshaka byose igomba kuva mu byo nkora, aho rero ndigengesera iyo mbonye njyewe nawe bitagenda nk’uko byakabaye”

Yuhi akomeza avugako nta mpamvu rero yo kugumana na The Mane mu gihe n’ubundi ibyo akeneye atabibona ahubwo yaguma yirwanaho nk’umuhanzi ku giti cye.

Nubwo habaye uko gutandukana n’iyi nzu ireberera abahanzi Yuhi Mic yavuze ko ntakibazo kidasanzwe bagiranye cyari gutera gutandukana ahubwo byatewe no kutabona ibyo yakagombye kuba ahabwa.

Gutandukana kwa The Mane n’abahanzi bayibarizwamo bimaze kuba akamenyero Nyuma y’uko ibyamamare byayibarizwagamo byose byamaze gusezera.

Twavuga nka Nyakwigendera Jay Polly, Safi Madiba na Queen cha.

Kugeza ubu nta mubare ufatika w’abahanzi bari gufashwa na The Mane usibye Marina bizwi ko abarizwa muri iyi nzu ifasha abanzi mu bikorwa by’abo bya Muzika.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO