Umuhanzi Rugamba Yves wakunzwe cyane nka Yverry mu ndirimbo z’urukundo zitandukanye nka ’Nk’uko njya mbirota n’izindi yamaze gutera ivi aho yasabye umukobwa yihebeye kuzamubera umufasha nawe avuga yego.

Ibi bibaye nyuma y’uko Yverry mu mwaka ushize wa 2021 yasibye amafoto yose y’umukunzi we ku rubuga rwa instagram abantu bakaba bibazaga amaherezo y’urukundo rwe.

Muri iri joro nibwo uyu musore ukunzwe mu ndirimbo zigaruka ku rukundo yamaze amatsiko abakunzi be aho yaberetse umukobwa yihebeye aho yamusabye kumubera umufasha.

Ni ibirori byo gutera ivi byitabiriwe n’ibindi byamamare bitandukanye ndetse Yverry ubwe yafashwe n’amarangamutima cyane aho yagaragaye azenga amarira y’ibyishimo mu maso.