Umuhanzi w’Umurundi Olegue ari mu Rwanda mu mushinga na Papa Cyangwe

Umuhanzi Olegue uri mu bagezweho mu gihugu cy’Uburundi ari mu Rwanda kuva tariki 18 Gicurasi mu mushinga wo gukorera album ye hano mu Rwanda ndetse n’indi mishinga irimo uwo ahuriyemo na Papa Cyangwe.

Nkuko bigaragara mu bitangazamakuru byo mu gihugu cy’Uburundi uyu muhanzi Olegue ntiyaje mu Rwanda azanywe n’indirimbo imwe gusa ndetse na nyiri ubwite avuga ko afite imishinga myinshi hano mu Rwanda.

Mu kiganiro kihariye na GENESISTV/BIZZ yavuze ko afite ibyumweru bitatu ari mu Rwanda akaba agiye gukora kuri album ye ari gutegura yifuza ko izaba inariho abahanzi bakunzwe bo mu karere.

Papa Cyangwe niwe wabimburiye abandi mubo Olegue ashaka gukorana nabo; gusa na Papa Cyangwe avuga ko nawe agomba gukorana n’uyu muhungu cyane ko bombi bari gukora kuri album zabo.

Yagize ati” Olegue turi gukorana kuri project twese duhuriyeho; ntabwo nakubwira ngo izasohoka ryari ariko ni vuba kuko turi gufata amashusho, igisigaye ni ukureba igihe cyiza twayisohorera bitewe na gahunda ziba zihari."

Papa Cyangwe ari gukora kuri Album ye yitwa “Saza Africa” ikaba iriho indirimbo zitandukanye zimaze gukundwa nka “Kutsutsu, Sana, imbeba n’izindi…

Olegue yamamaye cyane mu gihugu cy’uburundi ubwo yakoraga indirimbo Delegue General ikaza gutuma anafungwa azira ko yakoresheje amashusho y’urukozasoni.

Kuri ubu uyu musore uri mu Rwanda aheruka gushyira indirimbo hanze yitwa Pasta iri mu zikunzwe cyane I Burundi.

Olegue na Papa Cyangwe mu mushinga w’indirimbo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO