Umuhanzikazi Audia Intore yahishuye impamvu yahisemo gukora umuziki Gakondo

Umuhanzikazi Audia Intore ni umwe mu bahanzikazi mu Rwanda bakora umuziki Gakondo ndetse atangaza ko impamvu akora uyu muziki ari uko impano ye ijyanye n’umuziki Gakondo kandi ngo n’abahanzi batandukanye akunda bose bakora umuziki Gakondo.

Ubwo yaganiraga n’umunyamakuru wa Genesisbizz uyu muhanzikazi Audia Intore yatangiye abazwa impamvu nyamukuru yamuteye gukora umuziki Gakondo maze nawe asubiza agira ati’’ Impamvu nkora umuziki Gakondo ni ukubera ko ari bintu nakuze nkunda ndetse kuririmba Gakondo mbona ari impano yanjye ikomeye

Uyu muhanzikazi kandi yahishuye ko umuziki Gakondo utangirwamo ubutumwa bukomeye kurusha izindi njyana zose kuko usanga ubutumwa butangirwa muri uyu muziki buba bufite aho buhurira n’amateka ajyanye n’igihugu cyacu hamwe n’umuco wacu muri rusange.

Ubusanzwe amazina nyakuri y’uyu muhanzikazi yitwa Audia Mbishibishi gusa akoresha amazina y’ubuhanzi ya Audia Intore gusa uyu muhanzikazi aturuka mu muryango w’abana barindwi aho ari umuhererezi muri uyu muryango, yaboneye izuba i Bujumbura mu Burundi gusa yaje kurangiriza amashuri yisumbuye mu ishuri ryisumbuye rya Saint Patrick.

Uyu muhanzikazi kandi yatangaje ko abahanzi benshi abafatiraho ikitegererezo bijyanye n’ubutumwa buba bukubiye mu bihangano byabo gusa avuga ko akunda cyane Cecile Kayirebwa, Mariya Yohana, Umusaza Muyango ndetse yemezako akunda cyane umuhanzikazi witwa Florida Uwera kuko abakunzi be ngo bamubwira ko aririmba kimwe n’uyu muhanzikazi.

Kuri ubu, uyu muhanzikazi amaze kugira indirimbo zigera ku munani aho zose ziri ku muyoboro we wa Internet (Youtube Channel) aho uyu muyoboro witwa Audia Intore Official.

Indirimbo nshya ya Audia intore yitwa Simbi ryanjye

Uyu muhanzikazi yasoje agira inama Abanyarwanda gukomeza gukunda umuco wacu ndetse bakarushaho no gukunda umuziki Gakondo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO