Umuhanzikazi Bwiza yasezeranyije abakunzi be ko atazababeshya mu mashusho y’indirimbo ye na Mico The Best

Umuhanzikazi Bwiza Emerance ubarizwa Mu nzu ifasha abahanzi ya KIKAC Music abarizwamo we na Mico The Best Nyuma yo kwegukana irushanwa rya The Next Diva , Uyu mukobwa akomeje kwerekana ingufu nyinshi muri muzika kuko mu gihe cy’amezi ane gusa amaze gushyira hanze indirimbo 4 zirimo iyo yashyize hanze ejo hashize yise Wibeshya yakoranye na Mico The Best .

Muri iyi ndirimbo Bwiza yamaze gusohora amashusho y’indirimbo yayo, aba aririmbana na Mico The Best buri wese yizeza undi kumuha urukundo rudashira.

Mico The Best aba asaba Bwiza kumuha umwanya akamwereka urukundo, undi na we akamubwira ko aramutse amuhaye uyu mwanya akawupfusha ubusa ari ibintu byabateranya.

Mu kiganiro na Genesisbizz, Bwiza yadutangarije ko nubwo iyi ndirimbo ari iy’urukundo yanayikoreye abakunzi be kuko atifuza kubatenguha muri uru rugendo rwe, ko urukundo bamwakiranye nawe azarubereka rwose mu gihe azaba agikora uyu muziki.

Ku ruhande rwa Kikac Music Uhujimfura Jean Claude ushizwe ibikorwa by’abahanzi we yadutangarije ko ubu Bwiza nta mwanya afite wo kwicara ko aricyo gihe cye cyo kwiyerekana mu ruhando rwa Muzika mu bandi bahanzikazi b’abakobwa kuko abenshi bameze nk’abagaritse gukora .

Ni indirimbo ya kane umuhanzikazi Bwiza asohoye mu buryo bw’amashusho mu gihe cy’amezi ane gusa amaze atangiye umuziki.

Indirimbo enye zikoze mu buryo bw’amajwi n’amashusho kongeraho izindi ziri kuri EP zitarasohoka mu buryo bw’amashusho ariko zasohotse mu buryo bw’amajwi bigaragaza umuvuduko udasanzwe uyu muhanzikazi yinjiranye mu muziki.

Iyi ndirimbo ‘Wibeshya’ ya Bwiza na Mico The Best ni imwe mu zigize EP nshya y’uyu muhanzikazi yise ‘Connect me’.

Iyi EP ni nayo iriho indirimbo zirimo Mi Amor, My Lady yakoranye na Social Mula, Hello yakoranye na Kevin Skaa, Lolo yakoranye na Chris Eazy, Loco yakoranye na Producer Nizbeats na Wibeshya yakoranye na Mico The Best.

Iyi ndirimbo nshya ya Bwiza na Mico The Best yakozwe mu buryo bw’amajwi na NizBeats, atunganywa na BOB Pro, ni mu gihe amashusho yayo yo yafashwe akanatunganywa na Fayzo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO