Umuhanzikazi Cher ku myaka 76 y’amavuko yahamije ko ari mu rukundo n’umusore arusha imyaka 40.

Umuhanzikazi Cher yashize amanga ahamya ko ari mu rukundo ruhamye n’umusore arusha imyaka 40 dore ko baherutse gufatwa amafoto agaragaza aba bombi bameranye neza cyane mu munyenga w’urukundo.

Umuhanzikazi Cher afite imyaka 76 y’amavuko ndetse yemeye ko ari mu rukundo n’umusore witwa Alexander Edwards w’imyaka 36 y’amavuko ndetse hagati y’aba bombi harimo ikinyuranyo cy’imyaka 40.

Uyu muhanzikazi mu minsi ishize nibwo yatangiye koherereza uyu musore w’imyaka 36 y’amavuko ubutumwa butandukanye bw’urukundo ariko abanza kubihishahisha gusa yageze aho arerura avuga ko bari mu rukundo kandi ruhamye.

Ubwo Tom Cruise yari mu rukundo na Cher ahagana mu mwaka wa 1980 hari inkuru zavugaga ko aba bombi bari batandukanyijwe n’imyaka igera kuri 40 ariko icyo gihe Cher yagize ati:Ntabwo urukundo ruzi imibare


Cher yagaragaje ikimenyetso cy’umutima ku ifoto y’umukunzi we mushya arusha imyaka 40 ndetse nyuma y’aho aba bombi bafotorewe muri Hollywood bafatanye agatoki ku kandi.

Uyu muhanzikazi Cher yatangaje ko we n’umukunzi we bahuriye bwa mbere muri Paris Fashion Week mu kwezi gushize ndetse ngo yahise amwereka abo mu muryango we.

Cher yamamaye cyane ubwo yegukanaga Oscar mu mwaka wa 1988 ndetse aza gukomeza kugira ibihe bidasanzwe mbere yo kurizwa bikomeye na Adam Lambert mu ndirimbo ibyinitse yitwaga Believe

Umuhanzikazi Cher mbere yari yarabanje gushyingiranwa n’umuhanzi Sonny Bono ndetse aba bombi banabyaranye umwana umwe witwa Chaz.

Uyu muhanzikazi kandi yongeye gushyingiranwa n’umugabo wa kabiri witwa Gregg Allman ndetse babyaranye nawe umwana umwe witwa Elijah Blue aho yavutse mu mwaka wa 1976 ndetse kuri ubu ni umuhanzi ucuranga Guitar aho aririmba muri Band yitwa Rock Band Deadsy.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.