Umuhanzikazi ufite inkomoko mu gihugu cy’Ubwongereza Dua Lipa yahawe ubwenegihugu bwa Albania

Inkuru dukesha BBC ivuga ko uyu muhanzikazi Dua Lipa yahawe ubwenegihugu bwa Albania na Perezida w’iki gihugu Bajram Begaj bijyanye n’uburyo yagize uruhare mu kumenyekanisha iki gihugu mu ruhando mpuzamahanga biciye mu kwamamara kwe ndetse n’umuziki akora.

Uyu muhanzikazi ubusanzwe uzwi cyane mu njyana ya Pop yaboneye izuba i London mu gihugu cy’Ubwongereza mu mwaka wa 1995 ndetse avuka ku babyeyi babiri umwe ukomoka muri Kosovo undi akaba ari umunya Albania icyakora yatangiye gutura mu gihugu cya Albania kuva mu buto bwe.

Perezida wa Albania bwana Bajram Begaj yatangaje ko uyu muhanzikazi Lipa ateye ishema igihugu cye ndetse ngo n’impano ye iratangaje cyane kuburyo ngo bitanga inyungu nziza mu ruhando mpuzamahanga kuri iki gihugu.

Ubwo yahabwaga ubwenegihugu uyu muhanzikazi yatangaje ko yishimye cyane bikomeye kuba agizwe umwe mu baturage ba Albania dore ko afata iki gihugu nk’igihugu cye kuva ari muto.

Uyu muhanzikazi nyuma yo kwemererwa ubwenegihugu yafashe umwanya maze yifotozanya na Perezida wa Albania ndetse ahita asinyira kuba Umunya Albania bityo ashyikirizwa indangamuntu hamwe n’impapuro z’inzira(Passport)


Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO