Umuhanzikazi w’indirimbo ziramya Imana "Rose Muhando" yavugishije benshi nyuma yo kuvuga ko akeneye umugabo w’umuzungu kandi w’umukire

Umuhanzikazi w’indirimbo zo kuramya no guhimbaza Imana, Rose Muhando yavugishije benshi ubwo yatangazaga ko kimwe mu bintu yifuza muri uyu mwaka ari ukubana n’umugabo w’umuzungu kandi ufite ubutunzi bwinshi.

Uyu muhanzikazi ukomoka mu gihugu cya Tanzaniya yatangaje ko zimwe mu ntego ze zikomeye z’uyu mwaka wa 2022 harimo no gushyingirwa umugabo w’umuzungu kandi ufite ubutunzi butajegajega.

Nyuma yo gutangaza ibi ku mbuga nkoranyambaga ze, Abantu benshi bacitse ururondogoro bavuga kuri aya magambo y’uyu muhanzikazi bituma nyuma y’amasaha make ahindura amagambo yari yanditse.

Amagambo yabanje kwandika yagiraga ati " Yesu nitendee, Yesu unitendee, Ombi langu mwaka huu nataka nipate mume mzungu na mwenye ela....".

Ugenekereje mu Kinyarwanda yavugaga ati: "Yesu, mu masengesho yanjye uyu mwaka uzampe umugabo w’umuzungu kandi w’umukire."

Nyuma y’amasaha make yaje kongera guhindura iyi nyandiko ati" Yesu nitendee, Yesu unitendee, Ombi langu mwaka huu nataka nipate mume mzungu na mwenye ela...@maneno ya dada mmoja hivi alisikika akiomba kwa sauti…"

Iyi nyandiko ya kabiri yerekanaga ko yumvise umugore umwe asenga ngo azabone umugabo w’umuzungu kandi ukungahaye, ariko ko uwo mugore atari we.

Inyandiko ya Rosa Muhando.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO